Dyddiad cyhoeddi: 1 Rhagfyr 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 17 ac 18 Tachwedd 2025, wedi canfod bod honiadau o ymddygiad proffesiynol annerbyniol wedi ei brofi yn erbyn athro ysgol, Richard Alaw Williams.   

Canfu'r Pwyllgor bod Mr Williams:

1. rhwng Mai 2023 a Chwefror 2024, yn gyson heb fodloni disgwyliadau, a/neu wneud gwelliannau boddhaol a/neu dderbyniol o ran un neu fwy o agweddau o'u gwaith fel athro ysgol ac arweinydd rhifedd, yn benodol:
   1. cynllunio gwersi ieithoedd a/neu fathemateg
   2. sicrhau gwahaniaethiad priodol mewn gwersi
   3. defnydd effeithiol o egwyddorion Asesu ar gyfer Dysgu a/neu feini prawf a/neu amcanion dysgu
   4. sicrhau ymgysylltu'r disgyblion mewn gwersi
   5. sicrhau bod disgyblion yn cwblhau tasgau mewn gwersi
   6. sicrhau bod disgyblion yn gwneud cynnydd digonol a/neu'n cael sgiliau sylfaenol
   7. marcio gwaith disgyblion a/neu roi adborth
2. rhwng Mai 2023 a Chwefror 2024, yn gyson heb fodloni disgwyliadau, a/neu wneud gwelliannau boddhaol a/neu dderbyniol o ran un neu fwy o agweddau o'u gwaith fel arweinydd rhifedd, yn benodol:
   1. cynllunio ar gyfer darpariaeth rhifedd a/neu gynnwys cwricwlwm ar draws yr ysgol
   2. monitro cynnydd a gwelliant o fewn rhifedd yn yr ysgol
   3. nodi'n glir a/neu gyfathrebu targedau a/neu gamau gweithredu o'u fonitro rhifedd yn yr ysgol
   4. paratoi a/neu gyflwyno adroddiadau o ran darpariaeth rhifedd yn yr ysgol

Rhoddodd y Pwyllgor Priodoldeb i Ymarfer Orchymyn Gwahardd (heb amodau) ar gofrestriad Mr Williams fel athro ysgol am gyfnod o 6 mis (rhwng 18 Tachwedd hyd 18 Mai 2026). O'r herwydd ni fydd Mr Williams yn gallu gweithio fel person cofrestredig (athro ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Gorchymyn.

Mae gan Mr Williams yr hawl i apelio i'r Uchel Lys o fewn 28 diwrnod.