Mentoriaid Sefydlu
Bydd Mentor Sefydlu(MS) yn cael ei ddyrannu i ANG sy’n ymgymryd â chyfnod sefydlu fel athro cyflenwi byrdymor dydd i ddydd ar ôl i ni dderbyn a phrosesu’r Ffurflen Hysbysu Sefydlu fel Athro Cyflenwi Byrdymor ac yn unol â meini prawf paru cytunedig pob consortiwm. Unwaith y bydd yr MS wedi'i ddyrannu, bydd yn cysylltu â chi'n uniongyrchol drwy e-bost, os oes unrhyw newidiadau i'r cyfeiriad e-bost a roesoch ar y ffurflen hysbysu, rhowch wybod i ni.
Bydd ANG a gyflogir yn hirdymor mewn ysgol yn cael MS gan yr ysgol a bydd eu manylion yn cael eu darparu i ni trwy gyflwyno'r ffurflen hysbysu sefydlu.
Bydd y Mentor Sefydlu yn gyfrifol am ddarparu mentora a chefnogaeth i ANG trwy gydol y cyfnod sefydlu.
Dilyswyr Sefydlu
Rôl y Dilysydd Sefydlu (DS) yw sicrhau ansawdd y trefniadau sefydlu ar ran y Corff Priodol (CP) er mwyn sicrhau bod ANG yn derbyn mentora a goruchwyliaeth o ansawdd uchel. Bydd Dilyswyr Sefydlu yn gweithio gyda sampl o fentoriaid a chânt eu dyrannu yn ôl disgresiwn y CP a’r Cydlynydd Sefydlu o fewn y Consortia Addysg Rhanbarthol/ALl. Os dyrennir DS byddant yn cysylltu â’ch MS yn uniongyrchol.
Ni sy'n gyfrifol am gadw cofnod canolog o’r holl ddyraniadau MS a DS. Ar ôl i MS a DS gael eu dyrannu, bydd eu henw i’w gweld ar eich cofnod ymarferydd cofrestredig ar-lein.
Dyraniadau Mentoriaid Sefydlu (MS) a Dilyswyr Sefydlu (DS) yn ôl Consortia Rhanbarthol/Awdurdod Lleol
| Awdurdod Lleol | Consortiwm | Dyrannu Mentoriaid Sefydlu ar gyfer ANG Cyflenwi Byrdymor |
|---|---|---|
| Ynys Môn | GwE | GwE fydd yn dyrannu MS i’ch cefnogi trwy’r rhaglen sefydlu. Byddwn yn darparu rhestr wythnosol i GwE o’r ANG sydd angen cefnogaeth MS. Ar ôl i MS gael eu dyrannu bydd eu henw i’w weld trwy eich mynediad ar-lein. Dyrennir DS yn ôl disgresiwn y CP a’r Cydlynydd Sefydlu o fewn y Consortia Addysg Rhanbarthol/ALl a bydd eu henw i’w weld trwy eich mynediad ar-lein. |
| Gwynedd | ||
| Conwy | ||
| Sir Ddinbych | ||
| Sir y Fflint | ||
| Wrecsam | ||
| Sir Penfro | Partneriaeth | Partneriaeth fydd yn dyrannu MS i’ch cefnogi trwy’r rhaglen sefydlu. Byddwn yn darparu rhestr wythnosol i Partneriaeth o’r ANG sydd angen cefnogaeth MS. Ar ôl i MS gael eu dyrannu bydd eu henw i’w weld trwy eich mynediad ar-lein. Dyrennir DS yn ôl disgresiwn y CP a’r Cydlynydd Sefydlu o fewn y Consortia Addysg Rhanbarthol/ALl a bydd eu henw i’w weld trwy eich mynediad ar-lein. |
| Sir Gâr | ||
| Abertawe | ||
| Pen-y-bont ar Ogwr | Consortiwm Canolbarth y De (CCD) | CCD fydd yn dyrannu MS i’ch cefnogi trwy’r rhaglen sefydlu. Byddwn yn darparu rhestr wythnosol i CDC o’r ANG sydd angen cefnogaeth MS. Ar ôl i MS gael eu dyrannu bydd eu henw i’w weld trwy eich mynediad ar-lein. Dyrennir DS yn ôl disgresiwn y CP a’r Cydlynydd Sefydlu o fewn y Consortia Addysg Rhanbarthol/ALl a bydd eu henw i’w weld trwy eich mynediad ar-lein. |
| Bro Morgannwg | ||
| Rhondda Cynon Taff | ||
| Merthyr Tudful | ||
| Caerdydd | ||
| Caerffili | Gwasanaeth Cyflawni Addysg (GCA) | GCA fydd yn dyrannu MS i’ch cefnogi trwy’r rhaglen sefydlu. Byddwn yn darparu rhestr wythnosol i GCA o’r ANG sydd angen cefnogaeth MS. Ar ôl i MS gael eu dyrannu bydd eu henw i’w weld trwy eich mynediad ar-lein. Dyrennir DS yn ôl disgresiwn y CP a’r Cydlynydd Sefydlu o fewn y Consortia Addysg Rhanbarthol/ALl a bydd eu henw i’w weld trwy eich mynediad ar-lein. |
| Blaenau Gwent | ||
| Torfaen | ||
| Sir Fynwy | ||
| Casnewydd | ||
| Powys | Dim consortiwm | Byddwn yn darparu rhestr wythnosol i’r ALl o’r ANG sydd angen cefnogaeth MS. Ar ôl i MS gael eu dyrannu bydd eu henw i’w weld trwy eich mynediad ar-lein. Dyrennir DS yn ôl disgresiwn y CP a’r Cydlynydd Sefydlu o fewn y Consortia Addysg Rhanbarthol/ALl a bydd eu henw i’w weld trwy eich mynediad ar-lein. |
| Ceredigion | ||
| Castell-nedd Port Talbot |