Gan gychwyn yn 2020, fe wnaethom ymgymryd â chyfres o brosiectau ar ran Llywodraeth Cymru i gefnogi ac ymestyn proffesiynoldeb y gweithlu ôl-16 yng Nghymru.
Os oes diddordeb gyda chi mewn cyfrannu i, neu weithio gyda ni ar y prosiectau hyn,
Dysgu a datblygu proffesiynol ar gyfer y gweithlu ôl-16 yng Nghymru
Rhwng 2020 a 2024 fe wnaethom ymgymryd â nifer o brosiectau ar ran Llywodraeth Cymru o ran safonau proffesiynol ar gyfer AB, gweithio'n seiliedig ar waith, ac ymarferwyr addysg oedolion. Roedd hyn yn cynnwys:
- gweithio gyda'r sector i adolygu ac adfywio'r safonau proffesiynol
- datblygu pecyn o offerynnau ac adnoddau, mewn partneriaeth a rhanddeiliaid, i helpu cofrestreion i ddefnyddio'r safonau proffesiynol
- mapio safonau proffesiynol Llywodraeth Cymru i God Ymddygiad ac Ymarfer Proffesiynol CGA, yn dangos lle mae'r ddau'n alinio
- gweithio gyda rhanddeiliaid i gyd-greu safonau proffesiynol wedi eu teilwra i arweinwyr, staff cymorth, ac ymarferwyr addysg oedolion
- datblygu cyfres o 'silwetau' rôl swyddi yn dangos rolau AB a dysgu'n seiliedig ar waith
- ymgymryd ag astudiaeth 'cam dau' yn asesu'r galw i ddatblygu TAR gyda Statws Athro Cymwys (SAC) a rhaglen drosi, yn caniatáu i ymarferwyr AB gael SAC
Datblygu safonau proffesiynol i arweinwyr, staff cymorth ac addysg oedolion
Yn 2021-22, dechreuom gwmpasu datblygiad safonau proffesiynol i arweinwyr, staff cymorth ac addysg oedolion. Cynhaliom drafodaethau cychwynnol gyda rhanddeiliaid allweddol a chynhaliom adolygiad bwrdd gwaith o’r safonau i arweinwyr, staff cymorth, ac addysg oedolion mewn gwledydd a phroffesiynau eraill.
Trwy gydweithio’n agos gyda rhanddeiliaid ac ymarferwyr fe wnaethom ddatblygu ar y cyd safonau sy’n cefnogi unigolion yn effeithiol ac yn darparu fframwaith ar gyfer dysgu proffesiynol parhaus.
Deall gwahanol rolau y gweithlu ôl-16
Yn ystod 2021-22, cawsom ein comisiynu gan Lywodraeth Cymru i lunio cyfres o ‘silwetau’ yn amlinellu rolau/lefelau swydd yn y gweithlu ôl-16.
Gweithiom gyda grŵp o ymarferwyr a rhanddeiliaid i ddatblygu ar y cyd gyfres o 16 silwét yn cwmpasu amrywiaeth o rolau mewn AB a dysgu seiliedig ar waith – o Dechnegwyr ac Aseswyr Prentisiaethau i Diwtoriaid a Phenaethiaid.
Mae’r silwetau’n amlinellu sut olwg allai fod ar ddeiliaid swydd enghreifftiol o ran eu sgiliau, eu profiad a’u cymwysterau. Darparant adnodd datblygiadol gwerthfawr i ymarferwyr a rhanddeiliaid.
Asesu’r galw am gymwysterau newydd ar gyfer ymarferwyr ôl-16
Ar hyn o bryd yng Nghymru, nid yw ymarferwyr â chymhwyster addysgu ôl-16 yn gallu addysgu mewn ysgolion a gynhelir gan nad oes ganddynt statws athro cymwysedig (SAC).
Fe wnaethom gynnal astudiaeth fer i ddeall yr awydd a lefelau’r galw, o fewn y sectorau AB ac ysgolion, am ddatblygu cymhwyster AB a SAC deuol, a rhaglen drosi Cymru gyfan i’r bobl sy’n addysgu yn y sector AB, sy’n dymuno addysgu yn y sector ysgolion uwchradd.