Dewiswch eich iaith
Oriau agor y Nadolig
Bydd y swyddfa a llinellau ffôn ar gau o 16:00 ddydd Gwener 19 Rhagfyr 2025, ac yn ailagor ddydd Llun 5 Ionawr am 09:00. Bydd mynediad at wasanaethau ar-lein, fel FyCGA a'r PDP yn parhau i fod ar gael. Nadolig Llawen a Blwyddyn Newydd dda i chi.
Addysgwyr Cymru
Porthol swyddi Addysgwyr Cymru yw'r mwyaf o'i fath yng Nghymru. Dyma'r lle i fynd os ydych chi'n chwilio am swydd newydd neu am hysbysebu swydd. Postiwch swydd neu dewch o hyd i'ch rôl ddelfrydol nawr.
Siarad yn Broffesiynol 2026
Cofiwch fod tocynnau ar gael ar gyfer Siarad yn Broffesiynol 2026: Archwilio ymddygiad dysgwyr a grym gweithgaredd corfforol.
Darllen mwy am ein siaradwr, yr Athro Kelly Mackintosh, a chadwch eich lle am ddim.
Newyddion
Mae CGA wedi cyhoeddi rheolau newydd sy’n amlinellu’r modd y mae’n bwriadu gweithredu Gorchymyn Cyngor y Gweithlu Addysg (Gorchmynion Atal Dros Dro Interim) (Swyddogaethau Ychwanegol) (Cymru) 2021 a ddaeth i rym ar 1 Ebrill 2021.
Diweddarwyd Rheolau a Gweithdrefnau Disgyblu 2017 i gynnwys Gorchmynion Atal Dros Dro yn dilyn ymgynghoriad cyhoeddus ar y rheolau drafft a wnaeth bara mis rhwng Ebrill a Mai 2021.
Darllen y Rheolau a Gweithdrefnau Disgyblu 2021 diwygiedig
Darllen yr adroddiad ymgynghori am y rheolau a gweithdrefnau Gorchmynion Atal Dros Dro.
Gall aelodau'r proffesiynau addysg a'r cyhoedd fynychu gwrandawiadau llafar gan Bwyllgor Apeliadau Sefydlu Cyngor y Gweithlu Addysg, ac mae nifer bach o leoedd i arsylwyr ar gael at y diben hwn. Os hoffech fynychu fel arsylwr, gofynnir i chi gysylltu â'r Cyngor ar 029 2046 0099. Wrth fynychu gwrandawiad, gofynnir i arsylwyr ystyried y pwyntiau canlynol:
- Mae'n bosibl y caiff gwrandawiadau eu canslo neu eu gohirio ar y funud olaf. Cynghorir y rheiny sy'n teithio o bell i gadarnhau bod y gwrandawiad yn dal i fynd yn ei flaen drwy ffonio'r Cyngor ar ddiwrnod y gwrandawiad neu ychydig cyn hynny;
- Cynhelir gwrandawiadau yn unol â'r Ddeddf Hawliau Dynol. Fodd bynnag, caiff athro ysgol ofyn i wrandawiad cyfan neu ran o wrandawiad gael ei chlywed yn breifat. Bydd y Pwyllgor yn ystyried unrhyw gais o'r fath ar ddiwrnod y gwrandawiad. Lle cynhelir gwrandawiad cyfan neu ran o wrandawiad yn breifat, ni fydd hyn yn agored i arsylwyr.
Os ydych yn aelod o'r wasg, ac rydych am ddod i wrandawiad a restrir yma, mae'n rhaid i chi gysylltu â'r Cyngor yn y lle cyntaf ar 029 2046 0099. Os nad ydych yn gwneud hynny cyn dyddiad y gwrandawiad, ni all y Cyngor sicrhau lle i chi fel arsylwr.
Gellir cael rhagor o wybodaeth ar gyfer arsylwyr gwrandawiadau yma. Gwybodaeth gyffredinol yw hon, ac ym mhob sefyllfa, Rheoliadau Addysg (Trefniadau Sefydlu ar gyfer Athrawon Ysgol) (Cymru) 2015 a dogfen y Cyngor, Arweiniad ar gyfer Gwrando ar Apeliadau Sefydlu a gaiff flaenoriaeth.
Arweiniad ar gyfer Gwrando ar Apeliadau Sefydlu Arweiniad ar gyfer Gwrando ar Apeliadau SefydluOs bydd Corff Priodol yn penderfynu bod Athro Newydd Gymhwyso wedi methu cwblhau ei gyfnod sefydlu statudol yn foddhaol, gall yr ANG gyflwyno apêl i ni yn erbyn y penderfyniad hwnnw.
Darllenwch y canllawiau ar apelau sefydlu.
Mae gan ANG 20 diwrnod gwaith i apelio yn erbyn penderfyniad i’w methu.Gallwch ddarllen mwy o wybodaeth am apelau sefydlu.
Apeliadau sefydlu i ddod
Does dim gwrandawiad i ddod ar hyn o bryd.
Os bydd pwyllgor priodoldeb i ymarfer yn gosod gorchymyn disgyblu ar gofrestriad ymarferwr addysg, bydd hysbysiad yn ymddangos yma. Bydd yr hysbysiad yn parhau am gyfnod o 6 mis o’i ddiwrnod cyhoeddi.
Mae Cyngor y Gweithlu Addysg, fel y’i cyfansoddir o dan Ddeddf Addysg (Cymru) 2014, fel y’i diwygiwyd, trwy hyn yn hysbysu fod gorchymyn disgyblu wedi’i osod ar gofrestriad y canlynol, yn unol â Rheol 31 ei Weithdrefnau a Rheolau Disgyblu Gorffennaf 2024.
Ar gyfer ymholiadau'r wasg,
Matthew Porch – 2 Rhagfyr 2025
Dyddiad cyhoeddi: 16 Rhagfyr 2025
Mae Pwyllgor Priodoldeb i Ymarfer Cyngor y Gweithlu Addysg (CGA), yn eistedd yng Nghaerdydd ar 2 Rhagfyr 2025, wedi canfod bod honiad o 'drosedd perthnasol' wedi ei brofi yn erbyn athro ysgol, Matthew Porch.
Canfu'r Pwyllgor, tra ei fod wedi ei gyflogi fel athro ysgol yn Ysgol Gynradd Millbank, Caerdydd, bod Mr Porch, ar 14 Ionawr 2025, wedi ei gael yn euog o yrru cerbyd modur gyda gormodedd o alcohol, yn erbyn adran 5(1) Deddf Traffig y Ffyrdd, ac Atodlen 2 Deddf Troseddwyr Traffig y Ffyrdd 1988. O ganlyniad i'r drosedd hon, ar 4 Chwefror 2025, cafodd Mr Porch ei wahardd rhag gyrru am 23 mis, a chael Gorchymyn Cymunedol nes 3 Chwefror 2026, gofyniad gweithgaredd adfer, a dirwy o £100.
Rhoddodd y Pwyllgor Priodoldeb i Ymarfer Gerydd ar gofrestriad Mr Porch fel athro ysgol am gyfnod o ddwy flynedd (rhwng 2 Rhagfyr 2025 a 2 Rhagfyr 2027). O'r herwydd bydd Mr Porch yn gallu gweithio fel athro ysgol mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Mr Porch yr hawl i apelio i'r Uchel Lys o fewn 28 diwrnod.
Chelsea Box – 4 Rhagfyr 2025
Dyddiad cyhoeddi: 16 Rhagfyr 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 4 Rhagfyr 2025, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Chelsea Box.
Canfu'r Pwyllgor bod Miss Chelsea Box yn euog o fethu â datgan ei bod wedi ei diswyddo gan ei chyflogwr blaenorol pan wnaeth gais i gofrestru gyda Chyngor y Gweithlu Addysg.
Ar ôl gwneud y canfyddiad hwn, penderfynodd y Pwyllgor bod ymddygiad Miss Box yn anonest, ac yn arddangos diffyg hygrededd.
Rhoddodd y Pwyllgor Priodoldeb i Ymarfer Gerydd ar gofrestriad Miss Box fel gweithiwr cymorth dysgu ysgol am gyfnod o 2 flynedd (rhwng 4 Rhagfyr 2025 ac 4 Rhagfyr 2027).
O'r herwydd bydd Miss Box yn gallu gweithio fel gweithiwr cymorth dysgu ysgol mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Miss Box yr hawl i apelio i'r Uchel Lys o fewn 28 diwrnod.
James Matthew Richards - 27 Tachwedd 2025
Dyddiad cyhoeddi: 16 Rhagfyr 2025
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 24, 25, 26 a 27 Tachwedd 2025, wedi canfod bod honiad o ‘ymddygiad proffesiynol annerbyniol’ wedi’i brofi yn erbyn yr athro ysgol, Mr James Richards.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef, tra oedd yn cael ei gyflogi fel Pennaeth yn Ysgol Gynradd Cadle, bod Mr Richards:
- yn ystod neu o gwmpas mis Mehefin 2012 a/neu fis Awst 2012, ar un achlysur neu fwy, wedi dangos ei bidyn i Gydweithiwr A
- yn ystod neu o gwmpas mis Ionawr 2012 a mis Ebrill 2013, wedi dangos ei bidyn i Gydweithiwr B
- yn ystod neu o gwmpas mis Mehefin a mis Gorffennaf 2013, o ran Cydweithiwr C:
- wedi gofyn am gael cymharu bronnau Cydweithiwr C â bronnau ei wraig
- wedi dangos llun o bidyn ar ei ffôn i Gydweithiwr C
- yn ystod neu o gwmpas mis Gorffennaf 2021, wedi rhannu delweddau o bidyn a chodiad arno ar y sgrin tra bod Cydweithiwr D yn bresennol
- rhwng tua 12 Hydref 2020 a 4 Tachwedd 2020, wedi dangos ffotograffau a fideos o’i bidyn i Gydweithiwr E
- yn ystod neu o gwmpas mis Medi 2021, heb ddychwelyd gliniadur gwaith i’r ysgol er gwaethaf cais i gyflwyno’r holl offer TG gwaith
- yn ystod neu o gwmpas mis Mehefin 2023, wedi achosi neu ganiatáu i wybodaeth anghywir a chamarweiniol gael ei rhoi i’r Awdurdod Lleol am ei iechyd
Ar ôl gwneud y canfyddiadau hyn, penderfynodd y Pwyllgor hefyd fod ymddygiad Mr Richards ym mharagraffau 1 i 5 uchod o natur rywiol ac wedi’i ysgogi gan ryw, a bod ei ymddygiad ym mharagraffau 6 a 7 yn anonest ac yn dangos diffyg uniondeb.
Gosododd y Pwyllgor Priodoldeb i Ymarfer Orchymyn Gwahardd, gan ddileu Mr Richards o’r Gofrestr Ymarferwyr Addysg yn y categori athro ysgol am gyfnod amhenodol. Penderfynodd hefyd na chaiff Mr Richards wneud cais i gael ei adfer i’r Gofrestr Ymarferwyr Addysg cyn i gyfnod o 15 mlynedd fynd heibio. Os na fydd Mr Richards yn gwneud cais llwyddiannus am gymhwysedd i gael ei adfer i’r Gofrestr ar ôl 27 Tachwedd 2040, bydd yn aros wedi’i wahardd am gyfnod amhenodol.
Mae gan Mr Richards hawl i apelio i’r Uchel Lys o fewn 28 niwrnod.
Nicola James – 9 Rhagfyr 2025
Dyddiad cyhoeddi: 15 Rhagfyr 2025
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 8 a 9 Rhagfyr 2025, wedi canfod bod honiad o ‘ymddygiad proffesiynol annerbyniol’ wedi’i brofi yn erbyn y gweithiwr cymorth dysgu mewn ysgol, Nicola James.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef, ar 8 Rhagfyr 2023, mewn perthynas â Disgybl A, bod Miss James:
- wedi gafael ynddo wrth ei ysgwydd
- wedi dweud ‘ca’ dy geg’ wrtho, neu eiriau i’r perwyl hwnnw
- wedi’i wthio.
Gosododd y Pwyllgor Priodoldeb i Ymarfer Gerydd ar gofrestriad Miss James fel gweithiwr cymorth dysgu mewn ysgol am gyfnod o 2 flynedd (o 9 Rhagfyr 2025 tan 9 Rhagfyr 2027). Fel y cyfryw, bydd Miss James yn gallu parhau i weithio fel cofrestrai (gweithiwr cymorth dysgu mewn ysgol) mewn ysgol a gynhelir neu ysgol arbennig nas cynhelir yng Nghymru ar hyd cyfnod y Cerydd.
Mae gan Miss James hawl i apelio i’r Uchel Lys o fewn 28 niwrnod.
Jessica Harvey - 27 Tachwedd 2025
Dyddiad cyhoeddi: 4 Rhagfyr 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 25-27 Tachwedd 2025, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Jessica Harvey.
Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei bod wedi ei chyflogi fel gweithiwr cymorth dysgu ysgol yn Ysgol Brynllywarch Hall, cafodd Miss Harvey ei chusanu gan ddisgybl. O ganlyniad i hyn, ni wnaeth hi gydnabod ei chyfrifoldebau fel model rôl tu allan i'r gweithle.
Rhoddodd y Pwyllgor Priodoldeb i Ymarfer Gerydd ar gofrestriad Miss Harvey fel gweithiwr cymorth dysgu ysgol am gyfnod o 2 flynedd (rhwng 27 Tachwedd 2025 a 27 Tachwedd 2027). O'r herwydd bydd Miss Harvey yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Miss Harvey yr hawl i apelio i'r Uchel Lys o fewn 28 diwrnod.
Mollie Maralyn Leigh – 19 Tachwedd 2025
Dyddiad cyhoeddi: 1 Rhagfyr 2025
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 19 Tachwedd 2025, wedi canfod bod honiadau o ‘ymddygiad proffesiynol annerbyniol’ a ‘throseddau perthnasol’ wedi’u profi yn erbyn y gweithiwr cymorth dysgu mewn ysgol, Mollie Maralyn Leigh.
Canfu’r Pwyllgor Priodoldeb i Ymarfer fod yr honiadau canlynol wedi’u profi, bod Mrs Leigh:
- Ar 30 Gorffennaf 2015, wedi’i chael yn euog o yrru cerbyd modur ar 12 Gorffennaf 2015, ar ôl yfed cymaint o alcohol fel bod cyfran ohono yn ei hanadl, sef 78 microgram o alcohol mewn 100 mililitr o anadl, yn fwy na’r terfyn rhagnodedig, yn groes i adran 5(1)(a) Deddf Traffig Ffyrdd 1988 ac Atodlen 2 Deddf Tramgwyddwyr Traffig Ffyrdd 1988. O ganlyniad i’r drosedd hon, ar 14 Awst 2015, dedfrydwyd Mrs Leigh i Orchymyn Cymunedol hyd at 13 Mai 2016 a gwnaed yn ofynnol iddi ymgymryd â gweithgarwch adsefydlu, a chafodd ei gwahardd rhag gyrru am 20 mis a dirwy o £100.
- Ar 14 Awst 2015, fe’i cafwyd yn euog o’r troseddau canlynol:
- Gyrru cerbyd modur ar 12 Gorffennaf 2015, heb fod yn unol â thrwydded yn awdurdodi Mrs Leigh i yrru cerbyd modur o’r dosbarth hwnnw, yn groes i adran 87(1) Deddf Traffig Ffyrdd 1988 ac Atodlen 2 Deddf Tramgwyddwyr Traffig Ffyrdd 1988. O ganlyniad i’r drosedd hon, ni chafodd Mrs Leigh unrhyw gosb ar wahân a chafodd arnodiad ar ei thrwydded yrru
- Ar 12 Gorffennaf 2015, heb ganiatâd y perchennog nac awdurdod cyfreithlon arall, cymerodd Mrs Leigh gerbyd a yrrir yn fecanyddol i’w ddefnyddio ganddi hi ei hun neu rywun arall, a chyn iddo gael ei ailddarganfod, achoswyd difrod gwerth llai na £5000 i’r cerbyd, yn groes i adran 12A Deddf Dwyn 1968. Ffactor gwaethygol ychwanegol oedd bod Mrs Leigh wedi meddwi. O ganlyniad i’r drosedd hon, dedfrydwyd Mrs Leigh i Orchymyn Cymunedol hyd at 13 Mai 2016 a gwnaed yn ofynnol iddi ymgymryd â gweithgarwch adsefydlu, a chafodd ei gwahardd rhag gyrru am 20 mis
- Ddefnyddio cerbyd ar 12 Gorffennaf 2015, pan nad oedd mewn grym mewn perthynas â’r defnydd hwnnw unrhyw bolisi yswiriant o’r fath neu warant o’r fath, yn groes i adran 143 Deddf Traffig Ffyrdd 1988 ac Atodlen 2 Deddf Tramgwyddwyr Traffig Ffyrdd 1988. O ganlyniad i’r drosedd hon, ni chafodd Mrs Leigh unrhyw gosb ar wahân a chafodd arnodiad ar ei thrwydded yrru.
- Ar 6 Awst 2024, cafwyd hi’n euog o yrru cerbyd modur ar 13 Gorffennaf 2024, ar ôl yfed cymaint o alcohol fel bod cyfran ohono yn ei hanadl, sef 72 microgram o alcohol mewn 100 mililitr o anadl, yn fwy na’r terfyn rhagnodedig, yn groes i adran 5(1)(1)(a) Deddf Traffig Ffyrdd 1988 ac Atodlen 2 Deddf Tramgwyddwyr Traffig Ffyrdd 1988. O ganlyniad i’r drosedd hon, dedfrydwyd Mrs Leigh i Orchymyn Cymunedol hyd at 5 Awst 2025 a gwnaed yn ofynnol iddi ymgymryd â gweithgarwch adsefydlu a gwaith di-dâl, a chafodd ei gwahardd rhag gyrru am 40 mis.
- Yn ei chais i gofrestru gyda Chyngor y Gweithlu Addysg (CGA) dyddiedig 31 Mawrth 2025, ni ddatganodd Mrs Leigh i CGA yr euogfarnau a amlinellir ym mharagraffau 1 -3 uchod.
Ar ôl gwneud y canfyddiadau hyn, penderfynodd y Pwyllgor fod ymddygiad Mrs Leigh ym mharagraff 4 uchod yn anonest ac yn dangos diffyg uniondeb.
Gosododd y Pwyllgor Priodoldeb i Ymarfer Orchymyn Atal (heb amodau) ar gofrestriad Mrs Leigh fel gweithiwr cymorth dysgu mewn ysgol am gyfnod o 18 mis (o 19 Tachwedd 2025 tan 19 Mai 2027). Fel y cyfryw, ni fydd Mrs Leigh yn gallu gweithio fel person cofrestredig (gweithiwr cymorth dysgu mewn ysgol) mewn ysgol a gynhelir neu mewn ysgol arbennig nas cynhelir yng Nghymru yn ystod cyfnod y Gorchymyn.
Mae gan Mrs Leigh hawl i apelio i’r Uchel Lys o fewn 28 niwrnod.
Jason King – 5 Tachwedd 2025
Dyddiad cyhoeddi: 13 Tachwedd 2025
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 3, 4 a 5 Tachwedd 2025, wedi canfod bod honiad o ‘ymddygiad proffesiynol annerbyniol’ wedi’i brofi yn erbyn y gweithiwr cymorth dysgu mewn ysgol, Mr Jason King.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef, tra oedd yn cael ei gyflogi fel cynorthwy-ydd cymorth dysgu yn Ysgol Cil-y-coed, bod Mr King:
- ar 28 Chwefror 2023, tra oedd yn y gwaith, wedi ymddwyn tuag at Gydweithiwr A mewn modd a oedd yn amhriodol ac yn ddieisiau, yn yr ystyr bod Mr King:
- wedi dweud “fe alla’ i dylino’n dda” neu eiriau i’r perwyl hwnnw
- wedi byseddu tethi Cydweithiwr A
- wedi byseddu organau rhywiol Cydweithiwr A
- ar 14 Mehefin 2023, wedi anfon neges destun neu neges WhatsApp amhriodol a digymell at Dyst A, a oedd yn gydweithiwr
- ar ddyddiadau anhysbys, rhwng tua mis Medi 2022 a mis Awst 2023, tra oedd yn y gwaith, wedi ymddwyn tuag at Dyst A mewn modd a oedd yn amhriodol ac yn ddieisiau, yn yr ystyr bod Mr King:
- wedi gwneud sylwadau ar beth oedd Tyst A yn ei wisgo
- wedi goglais neu geisio goglais Tyst A
- ar ddyddiadau anhysbys, rhwng tua mis Chwefror 2023 a mis Ebrill 2024, tra oedd yn y gwaith, wedi ymddwyn tuag at Dyst B mewn modd a oedd yn amhriodol ac yn ddieisiau, yn yr ystyr bod Mr King:
- wedi gwneud sylwadau rhywioledig ynglŷn â chorff Tyst B
- wedi cyffwrdd â gwasg Tyst B
- wedi codi Tyst B i fyny a dawnsio gyda hi a’i throi o gwmpas
- wedi dweud “wyt ti wedi cael rhyw eto” neu eiriau i’r perwyl hwnnw
- ar ddyddiad anhysbys yn ystod neu o gwmpas mis Hydref 2023, tra oedd yn y gwaith, wedi ymddwyn tuag at Dyst A mewn modd a oedd yn amhriodol ac yn ddieisiau yn yr ystyr bod Mr King:
- wedi dweud wrth Dyst A gymaint yr oedd eisiau ei chusanu
- wedi ceisio cusanu Tyst A
- ar ôl ceisio cusanu Tyst A, wedi dweud wrth Dyst A “dwi wedi bod eisiau gwneud hyn ers tro. Mae angen i mi gael gwared â’r teimlad yma sydd gen i tuag atat.”
- ar 26 Hydref 2023, tra oedd yn y gwaith, wedi ymddwyn tuag at Dyst A mewn modd a oedd yn amhriodol ac yn ddieisiau yn yr ystyr bod Mr King:
- wedi gafael yng ngwasg Tyst A
- wedi rhwbio ei ddwylo ar wasg Tyst A
Ar ôl gwneud y canfyddiadau hyn, penderfynodd y Pwyllgor hefyd fod ymddygiad Mr King o natur rywiol ac wedi’i ysgogi gan ryw.
Gosododd y Pwyllgor Priodoldeb i Ymarfer Orchymyn Gwahardd, gan ddileu Mr King o’r Gofrestr Ymarferwyr Addysg yn y categori gweithiwr cymorth dysgu mewn ysgol am gyfnod amhenodol. Penderfynodd hefyd na chaiff Mr King wneud cais i gael ei adfer i’r Gofrestr Ymarferwyr Addysg cyn i gyfnod o 5 mlynedd fynd heibio. Os na fydd Mr King yn gwneud cais llwyddiannus am gymhwysedd i gael ei adfer i’r Gofrestr ar ôl 5 Tachwedd 2030, bydd yn aros wedi’i wahardd am gyfnod amhenodol.
Mae gan Mr King hawl i apelio i’r Uchel Lys o fewn 28 niwrnod.
Cerys Bethan Warren – 10 Hydref 2025
Dyddiad cyhoeddi: 16 Hydref 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 6-10 Hydref 2025, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu addysg bellach, athro addysg bellach, a gweithiwr cymorth dysgu ysgol, Cerys Warren.
Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei bod wedi ei chyflogi fel gweithiwr cymorth dysgu ychwanegol yng Ngholeg y Cymoedd, bod Mrs Warren:
- ar 21 Mai 2024, wedi dileu un neu fwy o ddogfennau am ddysgwr 2 o systemau cyfrifiadurol y Coleg, oedd:
- yn berthnasol i ymchwiliad disgyblu yn ei herbyn
- yn ddogfennau pwysig i iechyd a diogelwch dysgwr 2
Ar ôl gwneud y canfyddiadau hyn, penderfynodd y Pwyllgor bod ymddygiad Mrs Warren yn anonest, ac yn arddangos diffyg hygrededd.
Rhoddodd y Pwyllgor Priodoldeb i Ymarfer Orchymyn Gwahardd (heb amodau) ar gofrestriad Mrs Warren fel gweithiwr cymorth dysgu addysg bellach, athro addysg bellach, a gweithiwr cymorth dysgu ysgol am gyfnod o 6 mis (rhwng 10 Hydref 2025 a 10 Ebrill 2026). O'r herwydd ni fydd Mrs Warren yn gallu gweithio fel person cofrestredig (gweithiwr cymorth dysgu addysg bellach, athro addysg bellach), sy'n darparu gwasanaethau arbennig i neu ar gyfer sefydliad addysg bellach ar gyfer cyfnod y Gorchymyn Gwahardd na fel gweithiwr cymorth dysgu ysgol mewn ysgol a gynhelir neu ysgol arbennig nas cynhelir yng Nghymru am gyfnod y Gorchymyn.
Mae gan Mrs Warren yr hawl i apelio i'r Uchel Lys o fewn 28 diwrnod.
Luke Nicolle – 9 Hydref 2025
Dyddiad cyhoeddi: 16 Hydref 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 8-9 Hydref, wedi canfod bod honiad o ymddygiad proffesiynol annerbyniol wedi ei brofi yn erbyn ymarferydd dysgu'n seiliedig ar waith, Mr Luke Nicolle.
Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Mr Nicolle:
- ar neu o gwmpas 9 Mawrth 202, wedi gwneud cais i gofrestru gyda Chyngor y Gweithlu Addysg fel ymarferydd dysgu'n seiliedig ar waith, ac wedi nodi yn yr adran datganiadau, gan roi tic yn y blychau 'na':
- nad oeddent yn destun unrhyw gamau gweithredu gyda chyflogwr arall, pan nad oedd hyn yn gywir
- nad oeddent yn destun gorchymyn disgyblu (gan gynnwys gorchymyn interim) gan unrhyw gorff proffesiynol neu reoleiddiol arall yn y wlad hon neu dramor, ac nad oeddent yn destun ymchwiliad gan gorff o'r fath, nad oedd hyn yn gywir
- ar neu o gwmpas 20 Gorffennaf 2020, wedi gwneud cais ar gyfer swydd Asesydd NVQ dan hyfforddiant gyda ITEC, ac na wnaeth ddatgelu ar eu ffurflen gais manylion camau disgyblu ac ymchwiliad gan eu cyflogwr blaenorol
Ar ôl gwneud y canfyddiadau hyn, fe wnaeth y Pwyllgor hefyd benderfynu bod ymddygiad Mr Nicolle ym mharagraffau 1 a 2 uchod yn anonest a heb hygrededd.
Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mr Nicolle oddi ar y Gofrestr o Ymarferwyr Addysg am gyfnod penagored yng nghategori ymarferydd dysgu'n seiliedig ar waith. Penderfynodd hefyd na fyddai Mr Nicolle yn cael gwneud cais i'w adfer i'r Gofrestr Ymarferwyr Addysg cyn bod cyfnod o 2 blynedd wedi treiglo. Os na wnaiff Mr Nicolle wneud cais llwyddiannus ar gyfer cymhwyster i'w adfer i'r Gofrestr ar ôl 9 Hydref 2027, bydd wedi ei wahardd am gyfnod penagored.
Mae gan Mr Nicolle yr hawl i apelio i'r Uchel Lys o fewn 28 diwrnod.
Tudur Ifor Parry - 24 Medi 2025
Dyddiad cyhoeddi: 2 Hydref 2025
Mae Pwyllgor Priodoldeb i Ymarfer Cyngor y Gweithlu Addysg (CGA), yn eistedd yn rhithiol ar 24 Medi 2025, wedi canfod bod honiad o 'drosedd perthnasol' wedi ei brofi yn erbyn gweithiwr cymorth ieuenctid, Tudur Parry.
Canfu'r pwyllgor Priodoldeb i Ymarfer bod yr honiadau canlynol wedi eu profi, tra ei fod wedi ei gyflogi fel gweithiwr Ieuenctid Cymunedol yng Ngwasanaeth Ieuenctid Sir Ddinbych, bod Mr Parry wedi ei gael yn euog yn Llys yr Ynadon yr Wyddgrug ar 21 Tachwedd 2024 o aflonyddu/brawychu/trallod bwriadol wedi ei waethygu yn hiliol/gan grefydd - geiriau/ysgrifennu ar 13 Awst 2024, yn erbyn a.31(1)(b) a (4) Deddf Trosedd ac Anrhefn 1998. O ganlyniad i'r drosedd hon, cafodd ddirwy o £884. Gwaethygwyd y drosedd gan nodweddion statudol.
Rhoddodd y Pwyllgor Priodoldeb i Ymarfer Gerydd ar gofrestriad Mr Parry fel gweithiwr cymorth ieuenctid am gyfnod o 2 flynedd (rhwng 24 Medi 2025 a 24 Medi 2027). O'r herwydd bydd Mr Parry yn gallu gweithio fel person cofrestredig (gweithiwr cymorth ieuenctid) sy'n darparu gwasanaethau datblygu ieuenctid ar ran cyflogwr perthnasol am gyfnod y Cerydd.
Mae gan Mr Parry yr hawl i apelio i'r Uchel Lys o fewn 28 diwrnod.
Leander Shaw – 24 Medi 2025
Dyddiad cyhoeddi: 26 Medi 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol 22-24 Medi 2025, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Leander Shaw.
Canfu'r Pwyllgor, tra ei bod wedi ei chyflogi fel cynorthwyydd addysgu yn Ysgol Bryn Deva, ar 25 Hydref 2023, fe wnaeth Mrs Shaw slapio llaw disgybl A.
Rhoddodd y Pwyllgor Priodoldeb i Ymarfer Gerydd ar gofrestriad Mrs Shaw fel gweithiwr cymorth dysgu ysgol am gyfnod o 2 flynedd (rhwng 24 Medi 2025 ac 24 Medi 2027). O'r herwydd bydd Mrs Shaw yn gallu gweithio fel gweithiwr cymorth dysgu ysgol mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Mrs Shaw yr hawl i apelio i'r Uchel Lys o fewn 28 diwrnod.
Bethan Picton - 23 Medi
Dyddiad cyhoeddi: 25 Medi 2025
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 23 Medi 2025, wedi canfod bod honiadau o ‘droseddau perthnasol’ wedi’u profi yn erbyn y gweithiwr cymorth dysgu mewn ysgol, Bethan Picton.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef bod Miss Picton:
- ar 26 Medi 2023, wedi cael ei dyfarnu’n euog o’r canlynol:
- gyrru cerbyd modur ar 14 Ebrill 2023 gyda chyfran o gyffur B penodol a reolir (Benzoylecgonine) uwch na’r terfyn penodedig. O ganlyniad, anghymhwyswyd Miss Picton rhag gyrru am 12 mis a rhoddwyd dirwy o £250 iddi
- gyrru cerbyd modur ar 14 Ebrill 2023 gyda chyfran o gyffur penodol a reolir (Cocên) uwch na’r terfyn penodedig. O ganlyniad, anghymhwyswyd Miss Picton rhag gyrru am 12 mis
- Ar 20 Medi 2024, wedi cael ei dyfarnu’n euog o’r canlynol:
- meddu ar gyffur a reolir gyda bwriad o’i gyflenwi (Dosbarth A – LSD) rhwng 20 Medi 2022 a 28 Ebrill 2023. O ganlyniad, ar 18 Hydref 2024, dedfrydwyd Miss Picton i 3 blynedd o garchar (cydredol) a fforffedu a dinistrio’r arddangosion
- feddu ar gyffur a reolir (Dosbarth B – Canabis/resin Canabis) ar 27 Ebrill 2023. O ganlyniad, ar 18 Hydref 2024, dedfrydwyd Miss Picton i fforffedu a dinistrio’r arddangosion, dim cosb ar wahân
- ymwneud â chyflenwi cyffur a reolir (Dosbarth A – Arall) rhwng 18 Medi 2022 a 28 Ebrill 2023. O ganlyniad, dedfrydwyd Miss Picton ar 18 Hydref 2024 i fforffedu a dinistrio’r arddangosion a 3 blynedd o garchar (cydredol)
- feddu ar gyffuriau a reolir (Dosbarth A – MDMA) ar 27 Ebrill 2023. O ganlyniad, dedfrydwyd Miss Picton ar 18 Hydref i fforffedu a dinistrio’r arddangosion ac 1 mis o garchar (cydredol)
- ymwneud â chyflenwi cyffuriau a reolir (Dosbarth A – Cocên) rhwng 18 Medi 2022 a 28 Ebrill 2023. O ganlyniad, dedfrydwyd Miss Picton ar 18 Hydref 2024 i fforffedu a dinistrio’r arddangosion a 3 blynedd o garchar
- feddu ar gyffur a reolir (Dosbarth A – Cocên) ar 27 Ebrill 2023. O ganlyniad, dedfrydwyd Miss Picton ar 18 Hydref 2024 i fforffedu a dinistrio’r arddangosion ac 1 mis o garchar (cydredol)
- ymwneud â chyflenwi cyffur a reolir (Dosbarth B – Canabis) rhwng 18 Medi 2022 a 28 Ebrill 2023. O ganlyniad, dedfrydwyd Miss Picton ar 18 Hydref 2024 i fforffedu a dinistrio’r arddangosion a 9 mis o garchar (cydredol)
- feddu ar gyffur a reolir (Dosbarth A – LSD) ar 27 Ebrill 2023. O ganlyniad, dedfrydwyd Miss Picton ar 18 Hydref 2024 i fforffedu a dinistrio’r arddangosion ac 1 mis o garchar (cydredol)
Gosododd y Pwyllgor Priodoldeb i Ymarfer Orchymyn Gwahardd, gan ddileu Miss Picton o’r Gofrestr Ymarferwyr Addysg yn y categori gweithiwr cymorth dysgu mewn ysgol am gyfnod amhenodol. Penderfynodd hefyd na chaiff Miss Picton wneud cais i gael ei hadfer i’r Gofrestr Ymarferwyr Addysg cyn i gyfnod o 2 flynedd fynd heibio. Os na fydd Miss Picton yn gwneud cais llwyddiannus am gymhwysedd i gael ei hadfer i’r Gofrestr ar ôl 23 Medi 2027, bydd yn aros wedi’i gwahardd am gyfnod amhenodol.
Mae gan Miss Picton hawl i apelio i’r Uchel Lys o fewn 28 niwrnod.
Arthur Rowland Thomas – 17 Medi 2025
Dyddiad cyhoeddi: 25 Medi 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 16 ac 17 Medi 2025, wedi canfod bod honiad o ymddygiad proffesiynol annerbyniol wedi ei brofi yn erbyn athro addysg bellach ac ymarferydd dysgu'n seiliedig ar waith, Arthur Thomas.
Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei fod wedi ei gyflogi fel darlithydd yng Ngholeg Gŵyr, Abertawe, fe wnaeth Mr Thomas afael mewn dysgwr wrth eu llaw neu eu harddwrn, a defnyddio iaith amhriodol ym mhresenoldeb dysgwyr.
Rhoddodd y Pwyllgor Priodoldeb i Ymarfer Gerydd ar gofrestriad Mr Thomas fel athro addysg bellach ac ymarferydd dysgu'n seiliedig ar waith am gyfnod o ddwy flynedd (rhwng 17 Medi 2025 a 17 Medi 2027). O'r herwydd bydd Mr Thomas yn gallu gweithio fel person cofrestredig (athro addysg bellach) sy'n darparu gwasanaethau penodol mewn neu i sefydliad addysg bellach yng Nghymru ac (ymarferydd dysgu'n seiliedig ar waith), sy'n darparu gwasanaethau ar ran corff dysgu'n seiliedig ar waith (heblaw fel gwirfoddolwr) yng Nghymru am gyfnod y Cerydd.
Mae gan Mr Thomas yr hawl i apelio i'r Uchel Lys o fewn 28 diwrnod.
Rebecca Tucknott – 11 Medi 2025
Dyddiad cyhoeddi: 17 Medi 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol 9-11 Medi 2025, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Rebecca Tucknott.
Canfu'r Pwyllgor, tra ei bod wedi ei chyflogi fel cynorthwyydd addysgu cyflenwi gan Educate Group yn Ysgol Alexandra, fe wnaeth Mrs Tucknott binsio disgybl A.
Rhoddodd y Pwyllgor Priodoldeb i Ymarfer Gerydd ar gofrestriad Mrs Tucknott fel gweithiwr cymorth dysgu ysgol am gyfnod o 2 flynedd (rhwng 11 Medi 2025 ac 11 Medi 2027).
O'r herwydd bydd Mrs Tucknott yn gallu gweithio fel gweithiwr cymorth dysgu ysgol mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Mrs Tucknott yr hawl i apelio i'r Uchel Lys o fewn 28 diwrnod.
Benjamin Dick - 10 Gorffennaf 2025
Publication date: 16 Gorffennaf 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 7-10 Gorffennaf 2025, wedi canfod bod honiadau o ymddygiad proffesiynol annerbyniol wedi ei brofi yn erbyn athro addysg bellach, Benjamin Dick.
Canfu'r Pwyllgor Priodoldeb i Ymarfer bod yr holiadau canlynol wedi ei brofi, tra ei fod wedi ei gyflogi yng Ngholeg Ceredigion, bod Mr Dick:
- rhwng tua 2023 a Chwefror 2024, wedi cyfeirio at ddysgwyr gan ddefnyddio iaith frwnt, ddifrïol, ac amhriodol ym mhresenoldeb staff arall, ac wedi gwneud sylwadau ynghylch dysgwyr i ddysgwyr eraill, neu lle gallai dysgwyr eraill glywed, oedd yn amhriodol a/neu'n ddifrïol, yn benodol geiriau gydag effaith:
- “little s**t”
- gawl dysgwyr yn "dwp"
- defnyddio'r gair “f**k”
- “they are a right c**t”
- galw dysgwyr yn “d**khead” a/neu “d**kheads”
- cyfeirio at grŵp lefel 1 fel “a f**king s**t group”
- dweud wrth grŵp lefel 2 bod dysgwyr lefel 1 yn mynd ar ei nerfau
- bod yn flin a thrallodus
- dweud bod dysgwr yn “f**king annoying”
- rhwng Medi 2022 a Chwefror 2024 wedi ymddwyn mewn modd amhriodol neu amhroffesiynol ym mhresenoldeb cydweithwyr a/neu ddysgwyr trwy ei fod wedi:
- gweiddi a/neu regi'n ddig
- wedi taflu un neu fwy o eitemau
- cicio drws
- cyfeirio at ei bartner fel "c**t", a/neu mewn modd difrïol
- ar un neu fwy achlysur wedi gadael dysgwyr heb oruchwyliaeth a/neu heb oruchwyliaeth ddigonol yn y gweithdy
- ar neu o gwmpas Ionawr a/neu Chwefror 2024 wedi caniatáu i ddysgwyr weithio ar gar dysgwr heb oruchwyliaeth ddigonol
- ar neu o gwmpas Rhagfyr 2023 wedi caniatáu i ddysgwyr weithio ar ei gar:
- heb oruchwyliaeth ddigonol
- heb wirio eu gwaith cyn gyrru ei gar
- caniatáu i'r car gael ei yrru heb oleuadau blaen yn gweithio
- rhwng o gwmpas Medi 2022 ac o gwmpas Chwefror 2024 yn cysgu yn y gwaith, yn ystod oriau gwaith, ac wedi chwarae gemau ar ei ffôn symudol yn ystod gweithdy a/neu wers theori a/neu oriau gwaith.
Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mr Dick oddi ar y Gofrestr o Ymarferwyr Addysg am gyfnod penagored yng nghategorïau athro addysg bellach a gweithiwr cymorth dysgu ysgol. Penderfynodd hefyd na fyddai Mr Dick yn cael gwneud cais i'w adfer i'r Gofrestr Ymarferwyr Addysg cyn bod cyfnod o 2 blynedd wedi treiglo. Os na wnaiff Mr Dick wneud cais llwyddiannus ar gyfer cymhwyster i'w adfer i'r Gofrestr ar ôl 10 Gorffennaf 2027, bydd wedi ei wahardd am gyfnod penagored.
Mae gan Mr Dick yr hawl i apelio i'r Uchel Lys o fewn 28 diwrnod.
Alice Ashton - 4 Gorffennaf 2025
Dyddiad cyhoeddi: 10 Gorffennaf 2025
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 30 Mehefin, ac 1 a 2 Gorffennaf 2025, wedi canfod bod honiadau o ‘ymddygiad proffesiynol annerbyniol’ a ‘throsedd berthnasol’ wedi’u profi yn erbyn yr athrawes ysgol, Miss Alice ASHTON.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef bod Miss Ashton:
- Ar 19 Medi 2023, yn Llys Ynadon Telford, wedi cael ei dyfarnu’n euog o yrru cerbyd modur gyda lefel alcohol a oedd yn uwch na’r terfyn ar 19 Awst 2023, yn groes i adran 5(1)(a) Deddf Traffig Ffyrdd 1988. O ganlyniad i’r drosedd hon, ar 19 Medi 2023, fe’i dedfrydwyd i orchymyn cymunedol 12 mis a 200 o oriau o waith di-dâl, ac fe’i datgymhwyswyd rhag dal neu gael trwydded yrru am 28 mis.
- Ar neu oddeutu 17 Ionawr 2024, yn ymddangos fel petai dan ddylanwad alcohol ac ag aroglau alcohol arni tra oedd yn y gwaith.
- Ar un neu fwy o ddyddiadau yn ystod neu oddeutu mis Ionawr 2024, wedi ymddwyn mewn modd amhriodol ac amhroffesiynol tuag at ddisgybl(ion) ac o’u blaen, yn yr ystyr bod Miss Ashton:
- wedi dweud “f***” a “s***”
- wedi dweud “s*** it” a/neu “f*** off” wrth ddisgybl(ion)
- wedi galw disgybl(ion) yn “divvys” a/neu’n “little s****”, a/neu’n “little b****”
- wrth ymateb i Ddisgybl G a ddywedodd y byddai’n “rhoi gwybod i rywun amdani”, dywedodd Miss Ashton “cer amdani, byddwn ni’n lladd arnat ti tra byddi di allan”, a “phaid â chario clecs”, neu eiriau i’r perwyl hwnnw
Gosododd y Pwyllgor Priodoldeb i Ymarfer Orchymyn Gwahardd, gan ddileu Miss Ashton o’r Gofrestr Ymarferwyr Addysg yn y categori athrawes ysgol am gyfnod amhenodol. Penderfynodd hefyd na chaiff Miss Ashton wneud cais i gael ei hadfer i’r Gofrestr Ymarferwyr Addysg cyn i gyfnod o 2 flynedd fynd heibio. Os na fydd Miss Ashton yn gwneud cais llwyddiannus am gymhwysedd i gael ei hadfer i’r Gofrestr ar ôl 2 Gorffennaf 2027, bydd yn aros wedi’i gwahardd am gyfnod amhenodol.
Mae gan Miss Ashton hawl i apelio i’r Uchel Lys o fewn 28 niwrnod.
Francois Hanson – 5 Mehefin 2025
Dyddiad cyhoeddi: 27 Mehefin 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 3-5 Mehefin 2025 wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr ieuenctid, Mr Francois Hanson.
Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Mr Hanson:
- ar neu o gwmpas Ebrill a/neu Mai 2019, wedi anfon neges(euon) amhriodol i blentyn A
- ar ddyddiadau anhysbys yn 2018 a/neu 2019, wedi gwneud sylwadau amhriodol wrth blentyn A, a'i fod wedi:
- dweud "Wel byddai dim angen i ti boeni am hynny [cael plant] gyda fi, achos fi wedi cael y snip"
- wedi dweud wrtho am broblemau yn ei briodas
- wedi dweud wrthi y gallai symud mewn gyda fe
- ar ddyddiad anhysbys yn 2018 neu 2019, wedi rhoi ei law ar glun plentyn A.
Ar ôl gwneud y canfyddiadau hyn, fe wnaeth y Pwyllgor benderfynu bod ymddygiad Mr Hanson ym mharagraff 1 uchod o natur rywiol. Penderfynodd y Pwyllgor hefyd, bod ymddygiad Mr Hanson ym mharagraffau 1, 2 a 3 uchod yn deillio o gymhelliant rhywiol.
Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mr Hanson oddi ar y Gofrestr o Ymarferwyr Addysg am gyfnod penagored yng nghategori gweithiwr ieuenctid. Penderfynodd hefyd na fyddai Mr Hanson yn cael gwneud cais i'w adfer i'r Gofrestr Ymarferwyr Addysg cyn bod cyfnod o bum mlynedd wedi treiglo. Os na wnaiff Mr Roberts wneud cais llwyddiannus ar gyfer cymhwyster i'w adfer i'r Gofrestr ar ôl 26 Mehefin 2026, bydd wedi ei wahardd am gyfnod penagored.
Mae gan Mr Hanson yr hawl i apelio i'r Uchel Lys o fewn 28 diwrnod.
Tina Sherratt – 13 Mehefin 2025
Dyddiad cyhoeddi: 27 Mehefin 2025
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 10-13 Mehefin 2025, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Tina Sherratt.
Canfu’r Pwyllgor bod yr honiadau canlynol wedi eu profi, tra ei bod wedi ei chyflogi fel athro cerdd peripatetig yng Nghyngor Bwrdeistref Sirol Conwy, bod Ms Sherratt o gwmpas Hydref 2020 a Mai 2023:
- wedi methu ag ymateb i ohebiaeth gan un neu fwy o gydweithwyr yn rheolaidd
- heb gyflwyno ffurflenni ymweld/taflenni amser yn fisol, fel y gofynnwyd iddi gan un neu fwy o gydweithwyr
- heb roi gwybod i ysgol na fyddai hi'n dod i wers gyda disgybl, gan eu bod wedi gwneud trefniadau eraill
- wedi methu â darparu data o ran ymgysylltu dysgwyr
- heb ddarparu data prydau ysgol am ddim
- wedi methu â chwblhau'r holl fodiwlau hyfforddi fel oedd gofyn
- wedi methu â chael caniatâd ymlaen llaw am absenoldeb
- wedi methu â rhoi gwybod i reolwyr a/neu gydweithiwr A am eu habsenoldeb o'r gwaith
- wedi methu â rhoi gwybod i'r ysgolion yr oedd hi fod i fynd iddynt yn ystod y cyfnod yma o absenoldeb
Canfu'r pwyllgor bod yr ymddygiad o ran yr absenoldebau o'r gwaith yn dangos diffyg hygrededd.
Rhoddodd y Pwyllgor Priodoldeb i Ymarfer Gerydd ar gofrestriad Ms Sherratt fel gweithiwr cymorth dysgu ysgol am gyfnod o 2 flynedd (rhwng 13 Mehefin 2025 ac 13 Mehefin 2027).
O'r herwydd bydd Ms Sherratt yn gallu gweithio fel gweithiwr cymorth dysgu ysgol mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Ms Sherratt has a right of appeal to High Court within 28 days.
Abigail Jayne Scrivens – 6 Mehefin 2025
Dyddiad cyhoeddi: 16 Mehefin
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 2-6 Mehefin 2025, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu ysgol, Abigail Jayne Scrivens.
Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei bod wedi ei chyflogi fel gweithiwr cymorth dysgu yn Ysgol Gynradd Monnow, bod Miss Scrivens:
- ar 9 Tachwedd 2022, cymrodd fraich neu arddwrn disgybl A:
- pan nad oedd yn rhesymol neu'n angenrheidiol i wneud hynny o dan yr amgylchiadau
- wedi defnyddio mwy o rym nag oedd yn rhesymol o dan yr amgylchiadau
Rhoddodd y Pwyllgor Priodoldeb i Ymarfer Orchymyn Gwahardd (heb amodau) ar gofrestriad Miss Scrivens fel gweithiwr cymorth dysgu ysgol am gyfnod o flwyddyn (rhwng 6 Mehefin 2025 a 6 Mehefin 2026). O'r herwydd ni fydd Miss Scrivens yn gallu gweithio fel gweithiwr cymorth dysgu ysgol mewn ysgol a gynhelir, neu ysgol arbennig na chynhelir yng Nghymru am gyfnod y gorchymyn.
Mae gan Miss Scrivens yr hawl i apelio i'r Uchel Lys o fewn 28 diwrnod.