Diogelu’r proffesiwn a'r cyhoedd

Rheolau cofrestru

Dros y blynyddoedd diwethaf, ry'n ni wedi gwneud newidiadau i'r rheolau cofrestru, yn bennaf i ddangos ychwanegu categorïau cofrestru.

Yn ddiweddar, rydym wedi adolygu'r rheolau fel cyfanwaith, oedd yn cynnwys adolygu'r weithdrefn Gorchymyn Atal Dros Dro Interim (ISO), a chyflwyno gweithdrefn llwybr carlam mewn rhai amgylchiadau.

Byddwn yn ymgynghori ar y newidiadau hyn o 1 Rhagfyr, felly cadwch lygad allan i gael cyfle i ddweud eich dweud.

Lansio animeiddiad priodoldeb i ymarfer newydd ar gyfer tystion

Mae'r animeiddiad newydd yn helpu tystion i ddeall y broses priodoldeb i ymarfer yn well, beth i ddisgwyl ar bob cam, a'r gefnogaeth sydd ar gael iddynt.

Gwirio eich manylion

Dros y misoedd nesaf, byddwn yn gwirio bod y manylion sydd gyda ni ar eich cyfer yn gywir a chyflawn. Cadwch lygad allan am e-bost gennym.

Golwg person ifanc ar CGA

Yn gynharach eleni, fe wnaethom groesawu’r person ifanc, Logan Jones i CGA. Roedd Logan yn awyddus i ddysgu mwy am rôl CGA a pham bod cofrestru'n bwysig, felly fe wnaeth gyfweld â'n Prif Weithredwr, Lisa Winstone.

O ofyn beth mae CGA yn ei wneud, i ganfod pam ddylai pobl ifanc fod yn ymwybodol o'r sefydliad, roedd Logan yn llawn chwilfrydedd, brwdfrydedd, a digonedd o gwestiynau.

Da iawn, a diolch yn fawr i Logan am greu'r fideo gwych yma.

Diweddariadau'r Cyngor

Cyfres o adroddiadau blynyddol

Ym mis Gorffennaf fe wnaethom gyhoeddi cyfres o adroddiadau blynyddol, gan gynnwys ein Hadroddiad Blynyddol a Chyfrifon ar gyfer y flwyddyn hyd at 31 Mawrth 2026. Mae'r gyfres lawn o adroddiadau bellach ar gael ar wefan CGA.

Canllawiau, adnoddau, a gwasanaethau proffesiynol

Ein gwasanaethau i gofrestreion

Efallai bod rhai ohonoch yn newydd i'r gweithlu addysg ym mis Medi, felly dyma'r amser perffaith i'ch atgoffa chi am y gwasanaethau sydd gyda ni i gofrestreion. Mae'r rhain yn cefnogi eich arfer mewn gwahanol ffyrdd a sicrhau eich bod yn cydymffurfio gyda'r Cod Ymddygiad ac Ymarfer Proffesiynol.

Rydym wastad yma i helpu, felly cysylltwch â ni os oes gennych unrhyw gwestiynau.

Diweddariad ar ddarparu'r Pasbort Dysgu Proffesiynol (PDP)

Mae Llywodraeth Cymru wedi penderfynu trosglwyddo cyfrifoldeb dros ddarparu'r PDP i Dysgu o fis Medi 2028. Yn y cyfamser, mae CGA wedi ymrwymo i ddarparu gwasanaeth o ansawdd uchel i bawb. Os hoffech wybod mwy am sut all y PDP eich helpu chi, ewch i ardal datblygiad proffesiynol ein gwefan. Os oes gyda chi unrhyw gwestiynau am drosglwyddo'r PDP, cysylltwch â Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld..

Blwyddyn Genedlaethol Darllen 2026

Mae gan wefan Llywodraeth Cymru nifer o adnoddau defnyddio i'ch cefnogi gyda'ch darllen, ac i'ch helpu i annog dysgwyr a phobl ifanc i ddatblygu arferion darllen positif a chariad gydol oes am ddarllen.

Mae gyda ni hefyd Meddwl Mawr, ein clwb llyfrau misol, lle'r ydym yn argymell llyfrau neu newyddiaduron i'ch cefnogi yn eich gwaith.

Marc Ansawdd ar gyfer Gwaith Ieuenctid yng Nghymru

Llongyfarchiadau i STAND Gogledd Cymru sydd wedi derbyn eu Marc Ansawdd efydd cyntaf. Hefyd i Wasanaeth Ieuenctid Sir Penfro, sydd wedi adnewyddu eu Marc Ansawdd arian, a Gwasanaeth Ieuenctid Sir Fynwy sydd wedi adnewyddu eu Marc Ansawdd efydd. Llongyfarchiadau bawb.

Os hoffwch fwy o wybodaeth am y MAGI, ewch i'r wefan.

Hysbysu polisi

Cyfleoedd, heriau ac ymatebion polisi: Cymraeg a’r gweithlu addysg 

Ar 10 Tachwedd, 10:30-12:30, byddwn yn cynnal digwyddiad rhithiol yn archwilio prif bynciau o ran y Gymraeg yn y gweithlu addysgu.

Bydd y digwyddiad yn cynnwys cyfraniadau gan Lywodraeth Cymru, swyddfa Comisiynydd y Gymraeg, ynghyd â thrafodaeth banel sy’n cynnwys unigolion ag arbenigedd ym maes addysg a’r Gymraeg o amrywiol sectorau.

Os hoffech ennill dealltwriaeth fanylach o themâu presennol sy’n gysylltiedig â’r Gymraeg o fewn y gweithlu addysg, yr heriau sydd i ddod, a’r camau y mae eu hangen i ddatblygu sgiliau a chapasiti Cymraeg ar draws y gweithlu, mae’r digwyddiad hwn i chi.  Darllen mwy am y digwyddiad a chadw eich tocyn am ddim. Os nad ydych yn gallu dod i'r digwyddiad, bydd recordiad o'r digwyddiad ar gael yn hwyrach.

Oes gyda chi adborth ar y dudalen yma? Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld..

Diogelu'r proffesiwn a'r cyhoedd

Ydych chi wedi gwneud yn siŵr bod eich staff wedi cofrestru?

Ni all ymarferwyr addysg weithio yng Nghymru heb iddynt fod wedi cofrestru gyda ni, yn y categori cywir ar gyfer y gwaith maent yn ei wneud. Fel cyflogwr/asiantaeth, mae gyda chi gyfrifoldeb cyfreithiol i wneud yn siŵr bod eich staff wedi cofrestru cyn iddynt ddechrau gweithio. Mae hyn yn cynnwys unrhyw weithwyr sy'n ymweld, fel staff cyflenwi, athrawon peripatetig, a staff sy'n cael eu talu fesul awr (fel tiwtoriaid cerddoriaeth a hyfforddwyr chwaraeon).

Gallwch ddefnyddio eich mynediad ar-lein i'r Gofrestr i wirio statws cofrestru eich staff nawr.

Cynnal cyfrinachedd

Ry'n ni wedi cyhoeddi canllaw arfer da newydd ar gynnal cyfrinachedd. Mae'n cynnwys gwybodaeth i'ch helpu i sicrhau bod gwybodaeth a data cyfrinachol yn cael eu rheoli'n ddiogel, yn gyfreithlon, ac yn deg.

Darllenwch yr holl ganllawiau nawr ar ein tudalen canllawiau arfer da. Cofiwch ei rannu gyda chofrestreion yn eich lleoliad.

Blog: Myfyrio ar ein taith, ein heffaith a’n dyfodol

Ar ddiwedd ein degfed flwyddyn fel CGA, ry'n ni wedi cymryd y cyfle i fyfyrio ar sut yr ydym wedi esblygu, yr effaith yr ydym wedi cael, a sut byddwn yn parhau i wasanaethu dysgwyr a phobl ifanc, y cyhoedd, a'r gweithlu addysg dros y blynyddoedd nesaf.

Diweddariadau'r Cyngor

Ein gweledigaeth at y dyfodol

Ar 1 Ebrill, fe wnaethom gyhoeddi Cynllun Strategol 2026-29 a’r Cynllun Cydraddoldeb Strategol 2024-28 wedi ei adnewyddu. Maen nhw'n gosod ein blaenoriaethau a'n hymrwymiadau am y blynyddoedd nesaf.

Canllawiau, adnoddau, a gwasanaethau proffesiynol

Defnyddio'r PDP i reoli perfformiad

Ry'n ni wedi bod yn gweithio gyda sefydliadau addysgol i greu templedi arbennig yn y Pasbort Dysgu Proffesiynol (PDP), y gellir eu defnyddio fel rhan o'r broses rheoli perfformiad. Os oes gyda chi ddiddordeb, mae mwy o wybodaeth ar ddefnyddio'r PDP a sut i'w osod ar gyfer eich sefydliad mewn da bryd ar gyfer mis Medi.

Oes swydd gyda chi i'w hysbysebu?

Gallwch bostio swyddi gwag a chyfleoedd hyfforddi am ddim ar borthol swyddi Addysgwyr Cymru - y mwyaf o'i fath yng Nghymru.Mae porthol swyddi Addysgwyr Cymru yn cynnwys cannoedd o swyddi i'ch helpu i gymryd y cam nesaf yn eich gyrfa - i gyd mewn un platfform am ddim, hawdd ei ddefnyddio.

Digwyddiadau'r haf

Mae nifer o gyfleoedd i chi ddod i siarad gyda'r tîm dros y misoedd nesaf. Byddwn ni yn:

• Eisteddfod yr Urdd, Ynys Môn, 23-29 Mai
• Y Sioe Addysg Genedlaethol, Llandudno, 12 Mehefin
• Eisteddfod y Garreg Las, 1-8 Awst

Hysbysu polisi

Ein hymateb i ymgynghoriadau Llywodraeth Cymru

Ry'n ni wedi cyhoeddi ein hymateb i ymgynghoriad Llywodraeth Cymru ar gynigion i ffurfioli'r ddarpariaeth o chwe diwrnod HMS bob blwyddyn ar gyfer ysgolion yng Nghymru a'n hymateb i bapur Llywodraeth Cymru ar ddyfodol addysg drydyddol yng Nghymru.

Rhag ofn i chi ei fethu

Gadewch i ni ddod atoch chi

Yn ogystal â'r gyfres o ddigwyddiadau sydd ar ein sianel YouTube, gallwn hefyd ddod atoch chi i wneud cyflwyniad ar nifer o wahanol bynciau, o'r Cod Ymddygiad ac Ymarfer Proffesiynol, i'r PDP. Gallwn hyd yn oed deilwra'r cyflwyniad i'ch anghenion chi. Llenwch y ffurflen ar y dudalen, ac fe wnawn ni gysylltu gyda chi i drefnu dyddiad ac amser.

Oes gyda chi adborth ar y dudalen yma? Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld..

Diogelu'r proffesiwn a'r cyhoedd

Adnewyddu eich cofrestriad ar gyfer 2026-27

Os ydych wedi eich cyflogi ar gontract yng Nghymru, dylai eich cyflogwr fod wedi cymryd eich ffi cofrestru'n awtomatig o'ch cyflog fis Mawrth.

Gwnewch yn siŵr eich bod yn edrych ar eich slip cyflog i wneud yn siŵr eu bod wedi. Os nad ydych, anfonwch Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld., neu ffoniwch 029 2046 0099.

Os ydych chi wedi derbyn cais i adnewyddu ffi, a'ch bod heb ei dalu yna gallwch dalu nawr ar-lein, mae'n cymryd ychydig funudau.

Cynnal cyfrinachedd

Ry'n ni wedi cyhoeddi canllaw arfer da newydd ar gynnal cyfrinachedd. Mae'n cynnwys gwybodaeth i'ch helpu i sicrhau bod gwybodaeth a data cyfrinachol yn cael eu rheoli'n ddiogel, yn gyfreithlon, ac yn deg.

Darllenwch yr holl ganllawiau nawr ar ein tudalen canllawiau arfer da.

Blog: Myfyrio ar ein taith, ein heffaith a’n dyfodol

Ar ddiwedd ein degfed flwyddyn fel CGA, ry'n ni wedi cymryd y cyfle i fyfyrio ar sut yr ydym wedi esblygu, yr effaith yr ydym wedi cael, a sut byddwn yn parhau i wasanaethu dysgwyr a phobl ifanc, y cyhoedd, a'r gweithlu addysg dros y blynyddoedd nesaf.

Diweddariadau'r Cyngor

Ein gweledigaeth at y dyfodol

Ar 1 Ebrill, fe wnaethom gyhoeddi Cynllun Strategol 2026-29 a’r Cynllun Cydraddoldeb Strategol 2024-28 wedi ei adnewyddu. Maen nhw'n gosod ein blaenoriaethau a'n hymrwymiadau am y blynyddoedd nesaf.

Canllawiau, adnoddau, a gwasanaethau proffesiynol

Llunio eich dyfodol gyda'r PDP

Mae'r Pasbort Dysgu Proffesiynol (PDP) yn bortffolio ar-lein am ddim, sydd ar gael i holl gofrestreion CGA.

Mae'n eich galluogi i gipio dysgu o ddydd i ddydd, fel gwybodaeth, sgyrsiau gyda chydweithwyr, i gymwysterau ffurfiol, trwy gydol eich gyrfa. Mae mwy o wybodaeth am y PDP ar y dudalen we.

Meddwl am swydd newydd?

Mae porthol swyddi Addysgwyr Cymru yn cynnwys cannoedd o swyddi i'ch helpu i gymryd y cam nesaf yn eich gyrfa - i gyd mewn un platfform am ddim, hawdd ei ddefnyddio.

Digwyddiadau'r haf

Mae nifer o gyfleoedd i chi ddod i siarad gyda'r tîm dros y misoedd nesaf. Byddwn ni yn:

• Eisteddfod yr Urdd, Ynys Môn, 23-29 Mai
• Y Sioe Addysg Genedlaethol, Llandudno, 12 Mehefin
• Eisteddfod y Garreg Las, 1-8 Awst

Hysbysu polisi

Ein hymateb i ymgynghoriadau Llywodraeth Cymru

Ry'n ni wedi cyhoeddi ein hymateb i ymgynghoriad Llywodraeth Cymru ar gynigion i ffurfioli'r ddarpariaeth o chwe diwrnod HMS bob blwyddyn ar gyfer ysgolion yng Nghymru a'n hymateb i bapur Llywodraeth Cymru ar ddyfodol addysg drydyddol yng Nghymru.

Rhag ofn i chi ei fethu

Gadewch i ni ddod atoch chi

Yn ogystal â'r gyfres o ddigwyddiadau sydd ar ein sianel YouTube, gallwn hefyd ddod atoch chi i wneud cyflwyniad ar nifer o wahanol bynciau, o'r Cod Ymddygiad ac Ymarfer Proffesiynol, i'r PDP. Gallwn hyd yn oed deilwra'r cyflwyniad i'ch anghenion chi. Llenwch y ffurflen ar y dudalen, ac fe wnawn ni gysylltu gyda chi i drefnu dyddiad ac amser.

Oes gyda chi adborth ar y dudalen yma? Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld..

Diogelu'r proffesiwn a'r cyhoedd

Adnewyddu ffioedd i gyflogwyr

Fel cyflogwr, mae gyda chi gyfrifoldeb cyfreithiol i sicrhau eich bod ond yn cyflogi unigolion sydd wedi cofrestru yn y categori cywir ar gyfer y gwaith y maent yn ei wneud.

Gwiriwch statws cofrestru eich staff nawr drwy ddefnyddio eich mynediad ar-lein i'r Gofrestr.

Astudiaeth Priodoldeb i Ymarfer: ffiniau proffesiynol

Gall cyswllt corfforol fod yn angenrheidiol weithiau, ond mae'n rhaid iddo fod yn briodol a chymesur bob tro. Yn ein hastudiaeth achos diweddaraf, rydym yn edrych ar esiampl lle cafodd cofrestrai eu gwahardd yn dilyn cyswllt corfforol amhriodol gyda dysgwr, ac yn cynnig gwersi ymarferol y dylai cofrestreion eu dysgu o hyn.

Diweddariadau'r Cyngor

Recriwtio ar agor ar gyfer aelodau newydd i'n Cyngor

Rydym yn rheoleiddio gweithlu mawr ac amrywiol sy'n gwasanaethu dysgwyr a phobl ifanc, rhieni/gwarcheidwaid, a chymunedau ledled Cymru. I wneud y rôl yma yn effeithiol, mae'n bwysig bod ein Cyngor yn buddio o ystod eang o safbwyntiau a phrofiadau. Mae'r rôl yn galw am feddwl annibynnol, cyfraniad cadarnhaol at drafodaethau strategol, hygrededd, ac ymrwymiad cryf at gydraddoldeb, cynhwysiant, a'r Gymraeg. Mae mwy o wybodaeth ar wefan Penodiadau Cyhoeddus Llywodraeth Cymru. Mae ceisiadau'n cau am 16:00 ar 18 Chwefror.

Ceisio barn ar ein Cynllun Strategol ar gyfer 2026-29.

Mae'r Cynllun Strategol drafft yn gosod ein blaenoriaethau am y tair blynedd nesaf, ac mae pedwar amcan allweddol yn sylfaen iddo. Mae'n gosod sut yr ydym yn bwriadu cyflawni ein swyddogaethau statudol craidd.

Rydym yn awyddus i glywed gan nifer o unigolion, gan gynnwys y rheiny o gefndiroedd amrywiol, rhieni/gwarcheidwaid, a phartneriaid o bob cwr o'r byd addysg a rheoleiddio.

Gallwch ddarllen ein y cynllun drafft, ac ymateb iddo, ar ein gwefan. Mae'r ymgynghoriad yn dod i ben am 12:00 ddydd Gwener 13 Mawrth 2026.

Cyfarfod nesaf y Cyngor

Bydd cyfarfod nesaf y Cyngor yn cael ei gynnal yn swyddfeydd CGA, ddydd Iau 19 Mawrth. Gall unrhyw aelod o'r cyhoedd ddod i arsylwi. Mae gwybodaeth am gyfarfodydd y gorffennol, a gallwch gofrestru eich diddordeb mewn arsylwi ar ein tudalen cyfarfodydd y Cyngor.

Canllawiau, adnoddau, a gwasanaethau proffesiynol

Defnyddio'r PDP i gefnogi eich cyflogeion

Rydym yn parhau i weithio gyda nifer o sefydliadau, gan ddatblygu templedi wedi eu teilwra yn y Pasbort Dysgu Proffesiynol (PDP) sy'n cefnogi dysgu proffesiynol a myfyrio yn eu timau.

Gwybodaeth am sut gall y PDP helpu a chefnogi eich sefydliad.

MAGI

Llongyfarchiadau i Wasanaeth Ieuenctid Torfaen wnaeth adnewyddu eu Marc Ansawdd efydd yn ddiweddar. 

Mae'r Marc Ansawdd ar gyfer Gwaith Ieuenctid yng Nghymru yn wobr ar gyfer sefydliadau ieuenctid sy'n cydnabod gwella safonau a dathlu rhagoriaeth o ran darpariaeth gwaith ieuenctid. Ewch i'r wefan i ddysgu mwy am MAGI.

Hysbysu polisi

Recriwtio a dargadw: tueddiadau, heriau a llwybrau polisi

Ym mis Tachwedd, fe wnaethom groesawu panel o arbenigwyr addysg i rannu eu barn unigryw a gonest ar recriwtio a dargadw yng Nghymru, ynghyd â'n data a'n hymchwil polisi ni. Cafodd y digwyddiad ei recordio, ac mae bellach ar gael ar ein sianel YouTube i chi wylio yn ôl.

Ymateb i ymgynghoriad

Rydym wedi cyhoeddi ein hymateb i ymgynghoriad Llywodraeth Cymru ar ddiwygio Safonau Proffesiynol ar gyfer Cynorthwyo Addysgu, Addysgu ac Arweinyddiaeth.

Rhag ofn i chi ei fethu

Siarad yn Broffesiynol 2026

Wnaethoch chi fethu ein digwyddiad Siarad yn Broffesiyniol ym mis Ionawr 2026? Daeth yr Athro Kelly Mackintosh i archwilio ymddygiad dysgwyr a grym gweithgaredd corfforol. Mae fideo o'r digwyddiad bellach ar gael i'w wylio yn ôl ar ein sianel Youtube.

Angen hyfforddiant?

Gallwn ddarparu hyfforddiant yn bersonol ar nifer o bynciau, gan gynnwys ein rôl, y Cod Ymddygiad ac Ymarfer Proffesiynol, y PDP, a defnyddio'r cyfryngau cymdeithasol yn gyfrifol. Gallwn hefyd ddod â stondin i'ch cynhadledd neu ddigwyddiad, fel bod pobl yn gallu dod i siarad gyda ni'n uniongyrchol.

Llenwch y ffurflen ar y dudalen, ac fe wnawn ni gysylltu gyda chi.