Dyddiad cyhoeddi: 8 Mai 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 23 Ebrill - 1 Mai 2025, wedi canfod bod honiadau o ymddygiad proffesiynol annerbyniol wedi ei brofi yn erbyn athro addysg bellach, Aled Medwyn Jones.

Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Mr Jones:

• rhwng Awst 2019 a Mawrth 2020, wedi cofnodi arsylwadau o ymweliadau safle ar gyfer 7 prentis NVQ ar Learning Assist , ac na wnaeth un neu fwy o'r ymweliadau ddigwydd
• wedi gwneud un neu fwy o hawliadau treuliau ar Proactis pan na wnaeth yr ymweliadau cyfatebol ddigwydd, ar ddyddiadau rhwng Awst 2019 a Hydref 2019

Canfu'r pwyllgor bod yr ymddygiad a brofwyd yn anonest a heb hygrededd.

Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mr Jones oddi ar y Gofrestr o Ymarferwyr Addysg am gyfnod penagored yng nghategori athro addysg bellach, gweithiwr cymorth dysgu addysg bellach, ac ymarferydd dysgu'n seiliedig ar waith. Penderfynodd hefyd na fyddai Mr Jones yn cael gwneud cais i'w adfer i'r Gofrestr Ymarferwyr Addysg cyn bod cyfnod o ddwy flynedd wedi treiglo. Os na wnaiff Mr Jones wneud cais llwyddiannus ar gyfer cymhwyster i'w adfer i'r Gofrestr ar ôl 1 Mai 2027, bydd wedi ei wahardd am gyfnod penagored.

Mae gan Mr Jones yr hawl i apelio i'r Uchel Lys o fewn 28 diwrnod.

Dyddiad cyhoeddi: 23 Ebrill 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 10 Ebrill 2025, wedi canfod bod honiad o drosedd berthnasol wedi ei brofi yn erbyn gweithiwr cymorth dysgu, Mark Peter Casey.  

Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Mr Casey:

• ar 5 Mawrth 2024, wedi ei gael yn euog o ymosod drwy guro, yn erbyn adran 39 Deddf Cyfiawnder Troseddol 1988

Canfu'r pwyllgor bod yr euogfarn a'i profwyd yn gyfystyr â throsedd berthnasol.

Rhoddodd y Pwyllgor Priodoldeb i Ymarfer Orchymyn Atal (gydag amodau) ar gofrestriad Mr Casey fel gweithiwr cymorth dysgu am gyfnod o ddwy flynedd (o 10 Ebrill 2025 hyd 10 Ebrill 2027), cyn belled â'i bod yn bodloni'r amodau a nodir o fewn y terfyn amser. 

O'r herwydd ni fydd Mr Casey yn gallu gweithio fel gweithiwr cymorth dysgu ysgol mewn ysgol a gynhelir, neu ysgol arbennig na chynhelir yng Nghymru am gyfnod y gorchymyn.

Mae gan Mr Casey yr hawl i apelio i'r Uchel Lys o fewn 28 diwrnod. 

Dyddiad cyhoeddi: 9 Ebrill 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 27 Mawrth 2025 wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Mrs Nicola Cullen.

Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Mrs Cullen:

1. Ar 23 Tachwedd 2022, wedi derbyn rhybudd amodol gan Heddlu Gogledd Cymru am ddwyn gan gyflogai ar 1 Gorffennaf 2021 hyd 1 Hydref 2021, yn erbyn adran 1 Deddf Dwyn 1968.
2. ar neu o gwmpas 26 Ionawr 2024, wedi cyflwyno cais i gofrestru gyda Cyngor y Gweithlu Addysg fel gweithiwr cymorth dysgu ysgol, a nododd yn y datganiad nad oedd ganddi unrhyw euogfarnau na/neu rhybudd, pan nad oedd hyn yn gywir.
3. Roedd ymddygiad Mrs Cullen ym mharagraff 2 uchod yn:
   1. anonest
   2. heb hygrededd

Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mrs Cullen oddi ar y Gofrestr o Ymarferwyr Addysg am gyfnod penagored yng nghategori gweithiwr cymorth dysgu ysgol. Penderfynnodd hefyd na fyddai Mrs Cullen yn cael gwneud cais i'w hadfer i'r Gofrestr Ymarferwyr Addysg cyn bod cyfnod o ddwy flynedd wedi treiglo. Os na wnaiff Mr Cullen wneud cais llwyddiannus ar gyfer cymwyster i'w adfer i'r Gofrestr ar ôl 27 Mawrth 2027, bydd wedi ei gwahardd am gyfnod penagored.

Mae gan Mrs Cullen yr hawl i apelio i'r Uchel Lys o fewn 28 diwrnod.

Dyddiad cyhoeddi: 31 Mawrth 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol rhwng 11 ac 14 Mawrth 2025, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu addysg bellach, Mr Gaio Ze Kouyate.

Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei fod wedi ei gyflogi fel Arbenigwr Dysgu Byd Rhithiol yng Ngholeg Caerdydd a'r Fro (y Coleg), bod Mr Kouyate:

1. ar neu o gwmpas 18 Hydref 2022, wedi defnyddio eu gliniadur y Coleg i:
   1. gael mynediad at gynnwys oedd yn amhriodol a/neu o natur rywiol
   2. anfon negeseuon o natur rywiol
2. rhwng 2021 a 2022:
   1. wedi creu avatar rhywiol (sexualised) o fewn campws rhithiol y Coleg
   2. wedi rhoi dolen i gydweithiwr A i daenlen gydag enwau defnyddwyr a chyfrineiriau ar gyfer campws rhithiol y Coleg, gan roi mynediad heb reolaeth i'r wybodaeth.
   3. wedi awgrymu'n amhriodol i un neu fwy o gydweithwyr, y gallai dysgwyr newid eu dyddiad geni i'w galluogi i gael mynediad at ddeunydd ar system Second Life fyddai fel arall wedi ei gyfyngu ar gyfer pobl o dan 18 oed.

Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mr Kouyate oddi ar y Gofrestr o Ymarferwyr Addysg am gyfnod penagored yng nghategori gweithiwr cymorth dysgu addysg bellach. Penderfynodd hefyd na fyddai Mr Kouyate yn cael gwneud cais i'w adfer i'r Gofrestr Ymarferwyr Addysg cyn bod cyfnod o 2 blynedd wedi treiglo. Os na wnaiff Mr Kouyate wneud cais llwyddiannus ar gyfer cymhwyster i'w adfer i'r Gofrestr ar ôl 14 Mawrth 2027, bydd wedi ei wahardd am gyfnod penagored.

Mae gan Mr Kouyate yr hawl i apelio i'r Uchel Lys o fewn 28 diwrnod.

Dyddiad cyhoeddi: 20 Mawrth 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 20 Mawrth 2025, wedi canfod bod honiad o ymddygiad proffesiynol annerbyniol a throsedd berthnasol wedi eu profi yn erbyn gweithiwr cymorth dysgu, Rosie Garfield.

Canfu'r Pwyllgor bod Ms Garfield:

1. ar neu o gwmpas 25 Ionawr 2024, wedi cyflwyno cais i gofrestru gyda Chyngor y Gweithlu Addysg fel gweithiwr cymorth dysgu ysgol, a nododd yn y datganiad nad oedd ganddynt unrhyw euogfarnau, pan nad oedd hyn yn gywir.

Ar ôl gwneud y canfyddiad yma, penderfynodd y Pwyllgor hefyd bod yr ymddygiad yn anonest, heb hygrededd, ac yn golygu ymddygiad proffesiynol annerbyniol.

2. ar 8 Rhagfyr 2023, wedi cael euogfarn o yrru cerbyd modur gyda gormod o alcohol ar 21 Tachwedd 2023, ar ôl yfed cymaint o alcohol bod y gyfran o alcohol ar eu hanadl yn 40 microgram o alcohol ym mhob 100 mililitr o anadl, sydd yn fwy na'r terfyn rhagnodedig, ac yn erbyn adran 5(1)(a) Deddf Traffig y Ffyrdd 1988. Rhoddwyd dedfryd i Ms Garfield o waharddiad gyrru am 14 mis, dirwy o £80, a'u gorchymyn i dalu costau o £85 a gordal dioddefwr o £32.

Ar ôl gwneud y canfyddiad yma, penderfynodd y Pwyllgor hefyd bod yr ymddygiad yn drosedd berthnasol.

Rhoddodd y Pwyllgor Priodoldeb i Ymarfer Orchymyn Gwahardd (heb amodau) ar gofrestriad Ms Garfield fel gweithiwr cymorth dysgu ysgol am gyfnod o 12 mis (rhwng 20 Mawrth 2025 a 20 Mawrth 2026). O'r herwydd ni fydd Ms Garfield yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Gorchymyn.

Mae gan Ms Garfield yr hawl i apelio i'r Uchel Lys o fewn 28 diwrnod.

Dyddiad cyhoeddi: 12 Mawrth 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 3-6 Mawrth 2025 wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr ieuenctid, Carly Rogers.

Canfu'r Pwyllgor Priodoldeb i Ymarfer bod yr honiadau canlynol wedi eu profi tra eu bod wedi eu cyflogi fel Gweithiwr Cyffuriau ac Alcohol yng Nghyngor Bwrdeistref Sirol Wrecsam, bod perfformiad Ms Rogers rhwng Hydref a Rhagfyr 2022, wedi galw am welliant yn y meysydd canlynol:

1. apwyntiadau gyda phobl ifanc
2. nodiadau achosion
3. ffeiliau achos
4. cau achosion
5. rheoli dyddiadur

Rhoddodd y Pwyllgor Priodoldeb i Ymarfer Gerydd ar gofrestriad Ms Rogers fel gweithiwr ieuenctid am gyfnod o 2 flynedd (rhwng 6 Mawrth 2025 a 6 Mawrth 2027). O'r herwydd bydd Ms Rogers yn gallu gweithio fel person cofrestredig (gweithiwr ieuenctid) sy'n darparu gwasanaethau datblygu ieuenctid ar ran cyflogwr (heblaw fel gwirfoddolwr, ac yn destun eithriadau o dan Reoliad 4(2))

Mae gan Mr Rogers yr hawl i apelio i'r Uchel Lys o fewn 28 diwrnod.

Dyddiad cyhoeddi: 27 Chwefror 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 11-14, 19, a 25 Chwefror 2025 wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Anna Pavett.

Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei bod wedi ei chyflogi fel gweithiwr cymorth dysgu yng Nghanolfan Addysg Tŷ Gwyn, bod Ms Pavett:

1. ar neu o gwmpas Ionawr 2023 a Mehefin 2023, heb gynnal ffiniau dysgu proffesiynol gyda disgybl A, o ran bod Ms Pavett wedi, ar fwy nag un achlysur:
   1. eistedd ar y llawr gyda disgybl A
   2. cyffwrdd wyneb a gwallt disgybl A
   3. yn 'esgus ymladd' (play fighting) gyda disgybl A
2. Ar neu o gwmpas 20 Rhagfyr 2022, wedi cyflwyno cais am gyflogaeth i Teaching Personnel yr oedd hi'n gwybod oedd yn cynnwys gwybodaeth wallus a/neu gamarweiniol, drwy:
   1. beidio â datgelu materion disgyblaethol blaenorol
   2. heb gynnwys hanes cyflogaeth cywir

Rhoddodd y Pwyllgor Priodoldeb i Ymarfer Gerydd ar gofrestriad Ms Pavett fel gweithiwr cymorth dysgu ysgol am gyfnod o 2 flynedd (rhwng 25 Chwefror 2025 a 25 Chwefror 2027). O'r herwydd bydd Ms Pavett yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.

Mae gan Ms Pavett yr hawl i apelio i'r Uchel Lys o fewn 28 diwrnod.

Dyddiad cyhoeddi: 13 Chwefror 2025

Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 4 i 6 Chwefror 2025, wedi canfod bod honiad o ‘ymddygiad proffesiynol annerbyniol’ wedi’i brofi yn erbyn yr athro ysgol, Kerry David HALL.

Canfu’r Pwyllgor Priodoldeb i Ymarfer fod yr honiadau canlynol wedi’u profi, sef, tra oedd yn cael ei gyflogi fel Athro Ysgol yn Ysgol Bryn Castell, fod Mr Hall:

1. ar neu oddeutu 13 Gorffennaf 2022:

1. wedi gafael yn Nysgwr A wrth ei fraich/freichiau;
2. wedi gwthio Dysgwr A yn ôl;
3. wedi gwthio Dysgwr A yn erbyn wal;
4. heb gymryd camau i ymbellhau oddi wrth y sefyllfa gyda Dysgwr A a/neu dawelu’r sefyllfa cyn y cysylltiad corfforol â Dysgwr A.

2. trwy gyfrwng ei ymddygiad ym mharagraffau 1a, 1b ac 1c uchod, wedi defnyddio grym corfforol diangen a/neu ormodol.

Gosododd y Pwyllgor Priodoldeb i Ymarfer Orchymyn Gwahardd, gan ddileu Mr Hall o’r Gofrestr Ymarferwyr Addysg yn y categori athro ysgol am gyfnod amhenodol. Penderfynodd hefyd na chaiff Mr Hall wneud cais i gael ei adfer i’r Gofrestr Ymarferwyr Addysg cyn i gyfnod o 2 flynedd fynd heibio. Os na fydd Mr Hall yn gwneud cais llwyddiannus am gymhwysedd i gael ei adfer i’r Gofrestr ar ôl 6 Chwefror 2027, bydd yn aros wedi’i wahardd am gyfnod amhenodol.

Mae gan Mr Hall hawl i apelio i’r Uchel Lys o fewn 28 niwrnod.

Dyddiad cyhoeddi: 10 Chwefror 2025

Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 26 i 28 Tachwedd 2024 a 31 Ionawr 2025, wedi canfod bod honiad o ‘ymddygiad proffesiynol annerbyniol’ wedi’i brofi yn erbyn y gweithiwr cymorth dysgu mewn ysgol, Calum David Williams.   

Canfu’r Pwyllgor fod yr honiadau canlynol wedi’u profi, sef, tra oedd yn cael ei gyflogi fel gweithiwr cymorth dysgu yn Ysgol Bryn Castell, fod Mr Williams, yn ystod neu oddeutu mis Medi 2023 a mis Tachwedd 2023:

• yn hwyr i’r gwaith ar fwy nag un achlysur
• wedi defnyddio iaith amhriodol wrth siarad â disgybl a/neu siarad am ddisgybl
• wedi galw disgybl arall yn “bathetig” a/neu’n “gwynfanllyd”, neu eiriau i’r perwyl hwnnw

Gosododd y Pwyllgor Priodoldeb i Ymarfer Gerydd ar gofrestriad Mr Williams fel gweithiwr cymorth dysgu mewn ysgol, am gyfnod o 2 flynedd (o 31 Ionawr 2025 tan 31 Ionawr 2027).

Fel y cyfryw, bydd Mr Williams yn gallu gweithio fel gweithiwr cymorth dysgu mewn ysgol a gynhelir neu ysgol arbennig nas cynhelir yng Nghymru yn ystod cyfnod y Cerydd.

Mae gan Mr Williams hawl i apelio i’r Uchel Lys o fewn 28 niwrnod.  

Dyddiad cyhoeddi: 10 Chwefror 2025

Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 27 a 28 Ionawr 2025, wedi canfod bod honiadau o ‘ymddygiad proffesiynol annerbyniol’ wedi’u profi yn erbyn y gweithiwr cymorth dysgu mewn ysgol, Alex Gater.   

Canfu’r Pwyllgor fod yr honiadau canlynol wedi’u profi, sef, tra oedd yn cael ei gyflogi gan New Directions Ltd yn gweithio fel Cynorthwy-ydd Addysgu yn Ysgol Gyfun St Cenydd, fod Mr Gater:

• ar neu oddeutu 19 Gorffennaf 2023, wedi cyffwrdd ag wyneb Plentyn A, gan ei daro i’r llawr. Canfu’r pwyllgor fod y cysylltiad yn ymateb anghymesur, amhriodol, a gormodol i ymddygiad Plentyn A.

Canfu’r pwyllgor hefyd, ar neu oddeutu 14 Medi 2023, fod Mr Gater wedi cytuno â Gorchymyn Datrysiad Cymunedol yr Heddlu am ymosodiad cyffredin mewn perthynas â’r digwyddiad a ddisgrifir uchod.

Gosododd y Pwyllgor Priodoldeb i Ymarfer Orchymyn Atal Dros Dro (gydag amodau) ar gofrestriad Mr Gater fel gweithiwr cymorth dysgu mewn ysgol am gyfnod o 6 mis (o 28 Ionawr 2025 tan 28 Gorffennaf 2025), ar yr amod ei fod yn bodloni’r amodau a nodwyd o fewn y cyfnod hwn.  

Fel y cyfryw, ni fydd Mr Gater yn gallu gweithio fel gweithiwr cymorth dysgu mewn ysgol a gynhelir neu ysgol arbennig nas cynhelir yng Nghymru ar hyd cyfnod y gorchymyn.

Mae gan Mr Gater hawl i apelio i’r Uchel Lys o fewn 28 niwrnod.  

Dyddiad cyhoeddi: 4 Chwefror 2025

Mae Pwyllgor Priodoldeb i Ymarfer Cyngor y Gweithlu Addysg (CGA), yn eistedd yn rhithiol ar 28 Ionawr 2025, wedi canfod bod honiad o 'drosedd perthnasol' wedi ei brofi yn erbyn athro ysgol, Emma Peters.

Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Mrs Peters:

1. ar 20 Mawrth 2024, fe'i cafwyd yn euog o yrru cerbyd modur gyda gormodedd o alcohol ar 12 Chwefror 2024, yn erbyn adran 5(1)(a) Deddf Traffig y Ffyrdd 1988, ac Atodlen 2 Deddf Troseddwyr Traffig y Ffyrdd 1988. O ganlyniad i'r drosedd hon, rhoddwyd gorchymyn cymunedol i Mrs Peters o 120 awr o waith di dâl, a'i gwahardd rhag gyrru am 28 mis
2. ar 20 Mawrth 2024, fe'i cafwyd yn euog o fethu â stopio ar ôl digwyddiad traffig ar 12 Chwefror 2024, yn erbyn adran 170(4)(a) Deddf Traffig y Ffyrdd 1988, ac Atodlen 2 Deddf Troseddwyr Traffig y Ffyrdd 1988. O ganlyniad i'r drosedd hon, rhoddwyd gorchymyn cymunedol i Mrs Peters o 120 awr o waith di dâl, a rhoddwyd ardystiad ar ei thrwydded yrru

Rhoddodd y Pwyllgor Priodoldeb i Ymarfer Gerydd ar gofrestriad Mrs Peters fel athro ysgol am gyfnod o ddwy flynedd (rhwng 28 Ionawr 2025 a 28 Ionawr 2027). O'r herwydd bydd Mrs Peters yn gallu gweithio fel person cofrestredig (athro ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd. 

Mae gan Mrs Peters yr hawl i apelio i'r Uchel Lys o fewn 28 diwrnod.

Publication date: 4 Chwefror 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 27-29 Ionawr 2025, wedi canfod bod honiadau o ymddygiad proffesiynol annerbyniol wedi ei brofi yn erbyn athro ysgol, Morgan Jones.

Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei fod wedi ei gyflogi fel athro ysgol yn Ysgol Rhiwabon, bod Mr Jones wedi ymddwyn mewn modd amhriodol:

1. ar neu o gwmpas 13 Mawrth 2023, wedi dweud wrth ddysgwr 1:
   1. ei fod yn “tramp”
   2. y dylai "fynd yn ôl i'r dosbarth arbennig", neu eiriau gyda'r effaith yna
2. ar neu o gwmpas 15 Mawrth 2023:
   1. mewn ymateb i ddysgwr 2 yn cyfeirio at Mr Jones  fel "nugget", wedi plygu drosodd a gweiddi'n agos at wyneb dysgwr 2 a dweud "shut your face" neu eiriau gyda'r effaith yna
   2. wedi cyfeirio at ddysgwr 3 fel "freak" neu eiriau gyda'r effaith yna

Rhoddodd y Pwyllgor Priodoldeb i Ymarfer Gerydd ar gofrestriad Mr Jones fel athro ysgol am gyfnod o ddwy flynedd (rhwng 29 Ionawr 2025 a 29 Ionawr 2027). O'r herwydd bydd Mr Jones yn gallu gweithio fel person cofrestredig (athro ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.

Mae gan Mr Jones yr hawl i apelio i'r Uchel Lys o fewn 28 diwrnod.

Dyddiad cyhoeddi: 30 Ionawr 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 21-23 Ionawr 2025, wedi canfod bod honiadau o ymddygiad proffesiynol annerbyniol a throsedd berthnasol wedi eu profi yn erbyn athro ysgol, Danielle Louise Fleming. 

Canfu'r Pwyllgor Priodoldeb i Ymarfer bod yr holiadau canlynol wedi eu profi:

1. tra ei bod wedi ei chyflogi fel Cyfarwyddwr Dysgu yn Ysgol Gyfun Maesteg, fe wnaeth Mrs Fleming, ar 4 Mai 2023, fynychu'r gweithle o dan ddylanwad alcohol, a/neu yfed alcohol tra ei bod ar eiddo'r ysgol

2. ar 26 Chwefror 2024, fe gafodd Mrs Fleming euogfarn o yrru cerbyd modur, ar ôl yfed cymaint o alcohol bod y gyfran ohono ar ei hanadl, yn 108 microgram o alcohol mewn 100 mililitr o anadl, yn fwy na'r terfyn rhagnodedig, yn erbyn adran 5(1)(a) Deddf Traffig y Ffyrdd 1988.

Rhoddodd y Pwyllgor Priodoldeb i Ymarfer Orchymyn Atal (gydag amodau) ar gofrestriad Mrs Fleming fel athro ysgol am gyfnod o 4 mis, sy'n nodi amodau ar ei chofrestriad.

Mae'r Gorchymyn yn dod i rym yn syth. Bydd yr amodau yn dod i rym pe bai Mrs Fleming yn ail-gofrestru gyda CGA.

O'r herwydd ni fydd Mrs Fleming yn gallu gweithio fel athro ysgol mewn ysgol a gynhelir, neu ysgol arbennig na chynhelir yng Nghymru am gyfnod y gwaharddiad.

Mae gan Mrs Fleming yr hawl i apelio i'r Uchel Lys o fewn 28 diwrnod. 

Dyddiad cyhoeddi: 23 Ionawr 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 19-21 Rhagfyr 2024, a 21 Ionawr 2025, wedi canfod bod honiadau o ymddygiad proffesiynol annerbyniol wedi eu profi yn erbyn gweithiwr cymorth dysgu, Rhys Hitchmough.

Canfu'r Pwyllgor Priodoldeb i Ymarfer bod yr honiadau canlynol wedi eu profi, tra wedi ei gyflogi fel cynorthwy-ydd addysgu yn Ygsol Bodhyfryd, bod Mr Hitchmough ar neu o gwmpas 12 Mai 2022 wedi cusanu disgybl A, disgybl gwrywaidd, ar neu o gwmpas ei ên.

Rhoddodd y Pwyllgor Priodoldeb i Ymarfer Gerydd ar gofrestriad Mr Hitchmough fel gweithiwr cymorth dysgu ysgol am gyfnod o 2 flynedd (rhwng 21 Ionawr 2025 a 21 Ionawr 2027). O'r herwydd bydd Mr Hitchmough yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.

Mae gan Mr Hitchmough yr hawl i apelio i'r Uchel Lys o fewn 28 diwrnod.

Dyddiad cyhoeddi: 20 Ionawr 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 14 ac 15 Ionawr 2025, wedi canfod bod honiad o ymddygiad proffesiynol annerbyniol wedi ei brofi yn erbyn athro ysgol, Mrs Rhian Williams.

Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei bod wedi ei chyflogi fel athro cemeg yn Ysgol Gyfun Gymraeg Bro Myrddin, bod Mrs Williams ar 9 Mai 2023, wedi mynychu'r ysgol, yfed alcohol, a chychwyn dysgu dosbarth tra ei bod o dan ddylanwad alcohol.

Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mrs Williams oddi ar y Gofrestr o Ymarferwyr Addysg am gyfnod penagored yng nghategori athro ysgol. Penderfynodd hefyd na fyddai Mrs Williams yn cael gwneud cais i'w hadfer i'r Gofrestr Ymarferwyr Addysg cyn bod cyfnod o 2 flynedd wedi treiglo. Os na wnaiff Mrs Williams wneud cais llwyddiannus i'w hadfer i'r Gofrestr ar ôl 15 Ionawr 2027, bydd wedi ei gwahardd am gyfnod penagored.

Mae gan Mrs Williams yr hawl i apelio i'r Uchel Lys o fewn 28 diwrnod.

Dyddiad cyhoeddi: 16 Ionawr 2025

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 7-9 Ionawr 2025, wedi canfod bod honiadau o ymddygiad proffesiynol annerbyniol wedi eu profi yn erbyn gweithiwr cymorth dysgu, Victoria Price. 

Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei bod yn gweithio fel cynorthwyydd addysgu lefel uwch yn Ysgol Gynradd Gymraeg Gilfach Fargoed, bod Mrs Price:

1. rhwng 11 ac 12 Ionawr 2021:
   1. wedi poeri at Berson A
   2. wedi mynd ati i gnoi Person A
   3. wedi tynnu gwallt Person A
   4. wedi cicio a/neu stampio ar Berson A
   5. wedi cicio a/neu grafu car Person A
   6. heb ddilyn canllawiau Llywodraeth Cymru o ran COVID-19, gam iddi beidio â dilyn canllawiau pellhau cymdeithasol a/neu wedi teithio tu allan i'w hardal leol heb reswm digonol

O ganlyniad i'r ymddygiad ym mhwyntiau b a d uchod, achosodd Mrs Price  anafiadau i Berson A.

2. wedi cytuno i Ddatrysiad Cymunedol yr Heddlu o ran ei hymddygiad ar 11 Ionawr 2021, sy'n drosedd a gofnodwyd fel 'Ymosod/Difrod Troseddol'
   1. o ganlyniad ni wnaeth roi gwybod i'r pennaeth am y canlynol:
   2. y digwyddiad ar 11 Ionawr 2021, hyd nes i'r Pennaeth sôn amdano
   3. ei bod wedi cael anafiadau i'w wyneb, mewn amgylchiadau lle'r oedd hi ar fin logio mewn i wneud gwers rithiol
   4. ei bod hi wedi achosi niwed corfforol i Berson A, a/neu achosi niwed i Berson Aei bod yn destun ymchwiliad yr Heddlu

Canfu'r pwyllgor bod y ffeithiau yn honiadau 3a-d yn dangos diffyg hygrededd.

Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mrs Price oddi ar y Gofrestr o Ymarferwyr Addysg am gyfnod penagored yng nghategori gweithiwr cymorth dysgu ysgol. Penderfynodd hefyd na fyddai Mrs Price yn cael gwneud cais i'w hadfer i'r Gofrestr Ymarferwyr Addysg cyn bod cyfnod o ddwy flynedd wedi treiglo. Os na wnaiff Mrs Price wneud cais llwyddiannus i'w hadfer i'r Gofrestr ar ôl 9 Ionawr 2027, bydd wedi ei gwahardd am gyfnod penagored.

Mae gan Mrs Price yr hawl i apelio i'r Uchel Lys o fewn 28 diwrnod.

Dyddiad cyhoeddi: 20 Rhagfyr 2024

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 9 a 10 Rhagfyr 2024, wedi canfod bod honiad o ymddygiad proffesiynol annerbyniol wedi ei brofi yn erbyn ymarferydd dysgu'n seiliedig ar waith, Nicholas Maguire.  

Canfu'r pwyllgor bod yr honiadau canlynol wedi eu profi, tra ei fod wedi ei gyflogi fel Ymarferydd Dysgu'n Seiliedig ar Waith gyda Inspire Training, fe wnaeth Mr Maguire ar neu o gwmpas Awst 2022,wedi ymddwyn mewn modd amhriodol a/neu amhroffesiynol tuag at gydweithwyr, gan ei fod wedi dweud/eu galw yn:

• “f****t”, neu eiriau gyda'r un effaith
• “psycho b***h”, neu eiriau gyda'r un effaith

Rhoddodd y Pwyllgor Priodoldeb i Ymarfer Gerydd ar gofrestriad Mr Maguire fel ymarferydd dysgu'n seiliedig ar waith, gweithir cymorth dysgu addysg bellach, a gweithiwr cymorth dysgu ysgol am gyfnod o ddwy flynedd (rhwng 10 Rhagfyr 2024 a 10 Rhagfyr 2026).

O'r herwydd bydd Mr Maguire yn gallu gweithio fel:

• ymarferydd dysgu'n seiliedig ar waith, sy'n darparu gwasanaethau ar ran corff dysgu'n seiliedig ar waith heblaw fel gwirfoddolwr
• gweithiwr cymorth dysgu addysg bellach, mewn sefydliadau AB yng Nghymru
• gweithiwr cymorth dysgu ysgol mewn ysgol a gynhelir, neu ysgol arbennig na chynhelir yng Nghymru.

Mae gan Mr Maguire yr hawl i apelio i'r Uchel Lys o fewn 28 diwrnod. 

Dyddiad cyhoeddi: 20 Rhagfyr 2024

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 17-19 Rhagfyr 2024, wedi canfod bod honiadau o ymddygiad proffesiynol annerbyniol a throsedd berthnasol wedi ei brofi yn erbyn gweithiwr cymorth dysgu addysg bellach, Anthony Morris.

Canfu'r Pwyllgor Priodoldeb i Ymarfer bod yr holiadau canlynol wedi eu profi yn erbyn Mr Morris:

1. ar neu o gwmpas Tachwedd 2022, wedi cael cyswllt corfforol amhriodol gyda Chydweithiwr A gan iddo dapio eu pen ôl
2. rhwng Awst 2022 a Mai 2023, dangos diffyg gallu i gadw amser, ar fwy nag un achlysur fe wnaeth:
   1. gyrraedd y Coleg yn hwyrach na'r amser ar ei gontract
   2. adael y coleg yn gynt na'r amser ar ei gontract
3. rhwng Awst 2022 a Mai 2023, dangos diffyg gallu cynnal a chadw'r gweithdy, ar fwy nag un achlysur fe wnaeth adael peiriannau'n anniben
4. ar 3 Mehefin 2022, cyflwynodd gais i gofrestru gyda CGA yn y categori gweithiwr cymorth dysgu addysg bellach, a nododd yn y datganiad nad oedd ganddo unrhyw euogfarnau, pan nad oedd hyn yn gywir
5. ar 2 Hydref 2023, cyflwynodd gais i gofrestru gyda CGA fel ymarferydd dysgu'n seiliedig ar waith, a nododd nad oedd ganddi unrhyw euogfarnau yn yr adran datganiadau, pan nad oedd hyn yn gywir
6. ar 21 Ebrill 2017, fe'i cafwyd yn euog yn Llys yr Ynadon Conwy o ddinistrio neu ddifrodi eiddo, yn erbyn adrannau 1(1) a 4 Deddf Niwed Troseddol 1971. O ganlyniad i'r drosedd, ar 28 Ebrill 2017, cafodd ddedfryd o Orchymyn Cymunedol a'r gofyn i wneud 250 awr o waith di dâl erbyn 27 Hydref 2018. Fe'i gorchmynnwyd hefyd i dalu £281.75 mewn iawndal
7. ar 21 Ebrill 2017, fe'i cafwyd yn euog yn Llys yr Ynadon Conwy o ddinistrio neu ddifrodi eiddo, yn erbyn adrannau 1(1) a 4 Deddf Niwed Troseddol 1971. O ganlyniad i'r drosedd, ar 28 Ebrill 2017, cafodd ddedfryd o Orchymyn Cymunedol a'r gofyn i wneud 250 awr o waith di dâl erbyn 27 Hydref 2018
8. ar 21 Ebrill 2017, fe'i cafwyd yn euog yn Llys yr Ynadon Conwy o ddinistrio neu ddifrodi eiddo, yn erbyn adrannau 1(1) a 4 Deddf Niwed Troseddol 1971. O ganlyniad i'r drosedd, ar 28 Ebrill 2017, cafodd ddedfryd o Orchymyn Cymunedol a'r gofyn i wneud 250 awr o waith di dâl erbyn 27 Hydref 2018. Fe'i gorchmynnwyd hefyd i dalu £458 mewn iawndal
9. ar 21 Ebrill 2017, fe'i cafwyd yn euog yn Llys yr Ynadon Conwy o ddinistrio neu ddifrodi eiddo, yn erbyn adrannau 1(1) a 4 Deddf Niwed Troseddol 1971. O ganlyniad i'r drosedd, ar 28 Ebrill 2017, cafodd ddedfryd o Orchymyn Cymunedol a'r gofyn i wneud 250 awr o waith di dâl erbyn 27 Hydref 2018
10. ar 22 Rhagfyr 2017, fe'i cafwyd yn euog yn Llys yr Ynadon gogledd Cymru am fethu â chydymffurfio gyda gofynion Gorchymyn Cymunedol a wnaed ar 28 Ebrill 2017 drwy fethu â mynd i apwyntiad ar 27 Tachwedd 2017, yn erbyn Rhan 2 Atodlen 8 Deddf Cyfiawnder Troseddol 2003. O ganlyniad i'r drosedd, ar 22 Rhagfyr 2017, roedd y gofyniad i wneud gwaith di dâl i barhau, ac roedd Mr Morris yn destun gofyniad cyrffyw electronig o ddwy wythnos drwy fonitro electronig.

Ar ôl gwneud y canfyddiadau hyn, penderfynodd y Pwyllgor bod ymddygiad Mr Morris ym mharagraff 4 a 5 uchod yn anonest, ac yn arddangos diffyg hygrededd.

Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mr Morris oddi ar y Gofrestr o Ymarferwyr Addysg am gyfnod penagored yng nghategori gweithiwr cymorth dysgu addysg bellach, ac ymarferydd dysgu'n seiliedig ar waith.

Penderfynnodd hefyd na fyddai Mr Morris yn cael gwneud cais i'w adfer i'r Gofrestr Ymarferwyr Addysg cyn bod cyfnod o ddwy flynedd wedi treiglo. Os na wnaiff Mr Morris wneud cais llwyddiannus ar gyfer cymhwyster i'w adfer i'r Gofrestr ar ôl 19 Rhagfyr 2026, bydd wedi ei wahardd am gyfnod penagored.

Mae gan Mr Morris yr hawl i apelio i'r Uchel Lys o fewn 28 diwrnod.

Dyddiad cyhoeddi: 12 Rhagfyr 2024

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 5-8, a 29 Tachwedd 2024, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Chloe Munn.

Canfu'r Pwyllgor Priodoldeb i Ymarfer bod yr honiadau canlynol wedi eu profi tra ei bod wedi ei chyflogi fel cynorthwyydd cymorth dysgu ysgol yn Ysgol Gynradd Llandough, bod Miss Munn, yn ystod trip ysgol ar neu o gwmpas 18 Ebrill 2023, wedi gadael tri o ddisgyblion tu allan i dŷ bach, a/neu heb rhoi gwybod i staff eraill y byddai hi'n mynd mewn i dai bach y dynion. Trwy wneud hyn, methodd Miss Munn â diogelu disgyblion.

Rhoddodd y Pwyllgor Priodoldeb i Ymarfer Gerydd ar gofrestriad Miss Munn fel gweithiwr cymorth dysgu ysgol am gyfnod o 2 flynedd (rhwng 29 Tachwedd 2024 a 29 Tachwedd 2026). O'r herwydd bydd Miss Munn yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.

Mae gan Miss Munn yr hawl i apelio i'r Uchel Lys o fewn 28 diwrnod.

Dyddiad cyhoeddi: 11 Rhagfyr 2024

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 23, 27, a 28 Tachwedd 2024, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Melanie Morgan.

Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei bod wedi ei chyflogi fel cynorthwyydd addysgu gan Gyngor Bwrdeistref Sirol Caerffili yn Ysgol Gynradd Pantside, fe wnaeth Miss Morgan:

1. Ar neu o gwmpas mis Mawrth 2022, wedi ymddwyn mewn modd amhriodol a/neu amhroffesiynol:
   1. o flaen a/neu i ddisgyblion wedi dweud “f****** hell” a/neu “f*** this” a/neu “little s****”, neu eiriau gyda'r un effaith
   2. dywedodd “which one of you has s***? Let me check a***”, neu eiriau gyda'r un effaith 
   3. ar ôl checio dillad isaf Disgybl A a/neu Disgybl B dywedodd “f****** hell it stinks”, neu eiriau gyda'r un effaith
   4. mewn ymateb i ddisgybl yn llefain, dywedodd “he’s doing my f****** head in, all he’s done is cry”, neu eiriau gyda'r un effaith
   5. drwy ymateb i rywun yn gofyn p'un a byddai Disgybl D eisiau ffon fara, dywedodd “does a bear s*** in the woods?”, neu eiriau gyda'r un effaith
   6. mewn ymateb i ddysgwr yn llefain, fe wnaeth ddynwared llefain drwy dynnu wyneb trist a/neu wedi rhwbio'i llygaid gyda'i dwylo

Rhoddodd y Pwyllgor Priodoldeb i Ymarfer Orchymyn Gwahardd, gan dynnu Miss Morgan oddi ar y Gofrestr o Ymarferwyr Addysg am gyfnod penagored yng nghategori gweithiwr cymorth dysgu ysgol. Penderfynodd hefyd na fyddai Miss Morgan yn cael gwneud cais i'w adfer i'r Gofrestr Ymarferwyr Addysg cyn bod cyfnod o ddwy flynedd wedi treiglo. Os na wnaiff Miss Morgan wneud cais llwyddiannus ar gyfer cymhwyster i'w adfer i'r Gofrestr ar ôl 28 Tachwedd 2026, bydd wedi ei gwahardd am gyfnod penagored.

Mae gan Miss Morgan yr hawl i apelio i'r Uchel Lys o fewn 28 diwrnod.

Dyddiad cyhoeddi: 9 Rhagfyr 2024

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 2, 3 a 4 Rhagfyr 2024, wedi canfod bod honiad o ymddygiad proffesiynol annerbyniol wedi ei brofi yn erbyn ymarferydd dysgu'n seiliedig ar waith, Mr Richard Stratton-Thomas.

Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei fod wedi ei gyflogi fel tiwtor llawrydd gyda INSPIRE Training (GE) Ltd, fe wnaeth Mr Stratton-Thomas, ar 25 Gorffennaf 2023, ganiatáu i Ddysgwr A aros dros nos yn ei dŷ, ac ni wnaeth adrodd pryderon am Ddysgwr A i Inspire Training nac i Wasanaethau Cymdeithasol.

Rhoddodd y Pwyllgor Priodoldeb i Ymarfer Gerydd ar gofrestriad Mr Stratton-Thomas fel ymarferydd dysgu'n seiliedig ar waith am gyfnod o ddwy flynedd (rhwng 4 Rhagfyr 2024 a 4 Rhagfyr 2026). O'r herwydd bydd Mr Stratton-Thomas yn gallu gweithio fel ymarferydd dysgu'n seiliedig ar waith, sy'n darparu gwasanaethau ar ran corff dysgu'n seiliedig ar waith (heblaw fel gwirfoddolwr) yng Nghymru am gyfnod y Cerydd.

Mae gan Mr Stratton-Thomas yr hawl i apelio i'r Uchel Lys o fewn 28 diwrnod.

Dyddiad cyhoeddi: 27 Tachwedd 2024

Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 19 a 20 Tachwedd 2024, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu addysg bellach, Phillip Lewis.

Canfu'r Pwyllgor Priodoldeb i Ymarfer bod yr holiadau canlynol wedi ei brofi, tra ei fod wedi ei gyflogi fel tiwtor yng Ngholeg Sir Benfro, fe wnaeth Mr Lewis:

1. ar neu o gwmpas 18 Ionawr 2023, dderbyn rhybudd amodol gan Heddlu Dyfed Powys am gael cyffur a reolir yn ei feddiant, yn benodol cocên, ar 23 Tachwedd 2022, yn erbyn s. 5(2) o Ddeddf Cam-drin Cyffuriau 1971
2. ar 23 Tachwedd 2022, ei fod â chyffur dosbarth A yn ei feddiant, yn benodol cocên, yn ystod oriau gwaith ar eiddo Coleg Sir Benfro

Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mr Lewis oddi ar y Gofrestr o Ymarferwyr Addysg am gyfnod penagored yng nghategori gweithiwr cymorth dysgu addysg bellach. Penderfynodd hefyd na fyddai Mr Lewis yn cael gwneud cais i'w adfer i'r Gofrestr Ymarferwyr Addysg cyn bod cyfnod o ddwy flynedd wedi treiglo. Os na wnaiff Mr Lewis wneud cais llwyddiannus ar gyfer cymhwyster i'w adfer i'r Gofrestr ar ôl 20 Hydref 2026, bydd wedi ei wahardd am gyfnod penagored.

Mae gan Mr Lewis yr hawl i apelio i'r Uchel Lys o fewn 28 diwrnod.