.png)
@ewc_cga
Brîff Polisi: Recriwtio a chadw athrawon yng Nghymru
Dydd Mercher, 14 Hydref 2020, 9:00am–12:00pm | Adeilad y Senedd, Bae Caerdydd / Ar-lein (trwy Zoom)
Mae CGA, ar y cyd â Llywodraeth Cymru, yn cynnal brîff polisi yn ymwneud â recriwtio a chadw athrawon yng Nghymru.
Bydd y digwyddiad, a noddwyd gan y Gweinidog Addysg, Kirsty Williams AS, yn chwarae rhan allweddol o ran llywio datblygiad polisi yng Nghymru mewn meysydd fel cynllunio’r gweithlu, strategaeth y Gymraeg, a thâl ac amodau datganoledig. Mae’n anghenraid i lunwyr polisïau, penaethiaid, uwch arweinwyr ac ymchwilwyr.
Yn y digwyddiad, byddwn yn:
- archwilio’r data diweddaraf, tueddiadau sy’n dod i’r amlwg ac edrych ar wledydd a phroffesiynau eraill
- gwahodd panel o arbenigwyr i rannu’u barn ac ateb eich cwestiynau
- arddangos y cynlluniau diweddaraf i fynd i’r afael â materion ynghylch recriwtio a chadw yng Nghymru
- rhoi mewnwelediad ecsgliwsif i chi i wefan genedlaethol a gwasanaeth newydd i hyrwyddo gyrfaoedd, a dilyniant gyrfaol mewn addysg
Os oes gennych unrhyw ymholiadau, Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld..
Dysgwch am ein siaradwyr
Kirsty Williams AS
Mae Kirsty Williams wedi bod yn Weinidog Addysg Cymru er Mai 2016. Ymunodd â’r llywodraeth yn dilyn cytundeb gyda’r Prif Weinidog blaenorol, gan arwain “cenhadaeth genedlaethol o ddiwygio addysg” ar bob lefel. Mae Ms Williams yn arwain rhaglen addysg y llywodraeth, sy’n cynnwys gostwng meintiau dosbarthiadau babanod, cyflwyno’r system gymorth fwyaf cyfartal a blaengar yn Ewrop i fyfyrwyr, a thrawsnewid y cwricwlwm ysgolion.
Yr Athro John Gardner
Mae’r Athro John Gardner yn Athro Addysg ym Mhrifysgol Sterling ac yn gyn Uwch-Ddirprwy Is-Ganghellor y brifysgol. Yn 2012, bu iddo gwblhau cyfnod pedair blynedd fel arlywydd (2009-11) ac Is-Arlywydd (2008-9 a 2011-12) Cymdeithas Ymchwil Addysg Prydeinig. Mae wedi bod yn gadeirydd i Fwrdd Cynghori Recriwtio a Chadw Athrawon Llywodraeth Cymru ers 2018.
Mathew Evans
Dechreuodd Matthew Evans brifathrawiaeth yn Ysgol Gyfun Glantaf yn ddiweddar. Mae ganddo ddeuddeg mlynedd o brofiad ym maes arweinyddiaeth uwch, gan gynwys deng mlynedd fel pennaeth yn Ysgol Gymraeg Ystalafera – Bro Dur (2011-20). Ar hyn o bryd, mae’n eistedd ar ddau gorff cynrychioli, sef CYDAG (Cymdeithas Ysgolion Dros Addysg Gymraeg) a Bwrdd Cynghori Recriwtio a Chadw Athrawon Llywodraeth Cymru.
Dr Hazel Hagger
A hithau’n gyn Gyfarwyddwr Rhaglenni Proffesiynol ym Mhrifysgol Rhydychen, penodwyd Dr Hazel Hagger yn Gadeirydd Bwrdd Achredu Addysg Gychwynnol Athrawon CGA yr haf diwethaf. Bu’n addysgu Saesneg am flynyddoedd lawer cyn ymuno â Phrifysgol Rhydychen. Bu ei hymchwil ddoethurol yn canolbwyntio ar ffyrdd o wneud arbenigedd athrawon wrth eu gwaith yn hygyrch i ddechreuwyr ac mae hi wedi ysgrifennu’n helaeth ar ddysgu a datblygiad athrawon.
Hayden Llewellyn
Hayden yw Prif Weithredwr y Cyngor Gweithlu Addysg (CGA). Ar ôl ymuno â Chyngor Addysgu Cyffredinol Cymru (CyngACC) pan gafodd ei sefydlu yn 2000, bu'n Ddirprwy Brif Weithredwr a Phrif Weithredwr arno, cyn i'r corff gael ei ail-enwi (i ddod yn CGA) a'i gylch gwaith ei ymestyn ym mis Ebrill 2015. Mae gan Hayden brofiad helaeth yn y sector cyhoeddus a phreifat ac mae hefyd wedi gweithio ym maes addysg bellach ac uwch, y gwasanaeth iechyd, plismona ac i gwmni manwerthu aml-genedlaethol. Mae'n llywodraethwr yn Addysg Oedolion Cyrmu.
Kevin Palmer
Kevin Palmer yw Dirprwy Gyfarwyddwr Addysgeg, Arweinyddiaeth a Dysgu Proffesiynol Llywodraeth Cymru. Cyn ymuno â Llywodraeth Cymru, bu’n rhoi cefnogaeth i ysgolion ledled rhanbarth consortiwm EAS, fel Dirprwy Gyfarwyddwr. Hefyd, mae ganddo brofiad o AGA mewn ysgolion a cholegau yng Nghymru a Lloegr.
Huw Powell
Mae gan Huw Powell dros wyth mlynedd o brofiad ym maes arweinyddiaeth uwch. Mae wedi bod yn bennaeth am chwe mlynedd, gan weithio yng Nghymru a Lloegr. Ar hyn o bryd, mae’n bennaeth yn Ysgol Uwchradd y Fair Ddihalog, sef ysgol gymunedol mewn ardal ddifreintiedig yng ngorllewin Caerdydd. Mae Huw yn fentor CPCP sydd wed cefnogi sawl un o’i gydweithwyr sy’n uwch arweinwyr i gyrraedd prifathrawiaeth ers nifer o flynyeddoedd. Mae hefyd yn cynrychioli penaethiaid ar y Bwrdd Cynghori Recriwtio a Chadw Athrawon.
Elaine Sharpling
Elaine Sharpling yw Cyfarwyddwr Academaidd Addysg Athrawon yn yr Athrofa, PCDDC ac mae hi wedi arwain ar ddatblygu cyfres newydd o raglenni Addysg Gychwynnol Athrawon trwy’r broses achredu. Wedi iddi newid gyrfa o faes nyrsio, fe hyfforddodd fel athrawes gynradd cyn symud i’r sector Addysg Uwch. Mae hi’n arwain rhaglenni AGA israddedig ac ôl-raddedig ac eu diddordebau ymchwil yn cynnwys datblygiad iaith, ieithyddiaeth, a mesur ansawdd rhaglenni AGA.
Brîff Polisi blaenorol
Sesiwn friffio polisi ar brifathrawon ac arweinyddiaeth: 14 Rhagfyr 2017
Cynhaliodd Cyngor y Gweithlu Addysg ei ail sesiwn friffio polisi ar gyfer 2017 ar ddydd Iau, 14 Rhagfyr yn adeilad y Pierhead, Bae Caerdydd. Roedd y sesiwn yn cyflwyno data ar benaethiaid ysgol, dirprwyon a phenaethiaid cynorthwyol a gweithredol yn ogystal â chofrestreion sy'n meddu ar CPCP nad ydynt mewn rôl arweinyddiaeth.
Roedd y digwyddiad hwn ar gyfer pob rhanddeiliad sydd â diddordeb mewn polisi addysg a recriwtio / cadw penaethiaid. Tynnwyd ar ddata unigryw o'r gofrestr a gasglwyd dros 10 mlynedd i ddatgelu beth sy'n digwydd o ran / recriwtio a chadw penaethiaid ac arweinwyr, a'i dilyniant gyrfa yng Nghymru.
Cyflwynwyd data a dynnwyd o'r gofrestr o ymarferwyr addysg i ddarparu proffil o benaethiaid a chofrestreion mewn swydd sy'n meddu ar CPCP o ran oedran, rhyw, blynyddoedd ers SAC, cymhwyster a fydd yn dangos proffil cyffredinol cofrestreion mewn rolau prifathrawiaeth neu sydd ar y ffordd i brifathrawiaeth.
Gobeithiwn fydd y sesiwn yn helpu i arwain datblygiad polisi addysg yng Nghymru mewn meysydd megis cynllunio gweithlu, CPCP, cadw penaethiaid, cydbwysedd rhwng y rhywiau, y strategaeth iaith Gymraeg, a chyflogau a chyflyrau datganoledig.
Roedd y sesiwn yn cynnig cyfle i edrych ar rwystrau i brifathrawiaeth a gwahanol safbwyntiau ar CPCP gyda thystiolaeth o ymchwil ansoddol.
Noddir y digwyddiad hwn gan Darren Millar AC.
Mae inffograffig o'r data ar gael yma .
Gallwch lawrlwytho sleidiau'r cyflwyniad yma .