Ni chaiff Gwiriwr Allanol ei ddyrannu ichi ond os byddwn naill ai wedi cael y Ffurflen Hysbysu Sefydlu oddi wrth eich ysgol neu, os ydych yn cyflawni cyfnod sefydlu trwy waith cyflenwi, y Ffurflen Hysbysu Sefydlu fel Athro Cyflenwi Byrdymor.
Mae CGA yn gyfrifol am gadw cofnod canolog o’r holl ddyraniadau Gwirwyr Allanol. Ar ôl i Wiriwr Allanol gael ei ddyrannu, bydd ei enw i’w weld ar eich cofnod ymarferydd cofrestredig ar-lein.
Os ydych wedi’ch cyflogi mewn ysgol, bydd eich Gwiriwr Allanol yn cysylltu â’ch ysgol er mwyn trefnu amser cyfleus i gyfarfod â chi a’ch mentor sefydlu.
Os ydych yn cyflawni cyfnod sefydlu trwy waith cyflenwi byrdymor, bydd eich Gwiriwr Allanol yn cysylltu â chi’n uniongyrchol trwy e-bost. Os oes unrhyw newidiadau i’r cyfeiriad e-bost a roesoch ar y ffurflen hysbysu, dylech roi gwybod i’r tîm Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld..
Dyraniadau Gwirwyr Allanol yn ôl Consortia Rhanbarthol
| Awdurdod Lleol | Consortiwm | Dyrannu Gwirwyr Allanol |
|---|---|---|
| Ynys Môn | GwE | Ar ran y consortia, mae CGA yn dyrannu Gwirwyr Allanol i ANG yn unol â’r meini prawf paru y cytunwyd arnynt gyda’r consortiwm. Ar ôl iddo gael ei ddyrannu bydd ei enw i’w weld trwy eich mynediad ar-lein. |
| Gwynedd | ||
| Conwy | ||
| Sir Ddinbych | ||
| Sir y Fflint | ||
| Wrecsam | ||
| Powys | ERW | Ar ran y consortia, mae CGA yn dyrannu Gwirwyr Allanol i ANG yn unol â’r meini prawf paru y cytunwyd arnynt gyda’r consortiwm. Ar ôl iddo gael ei ddyrannu bydd ei enw i’w weld trwy eich mynediad ar-lein. |
| Ceredigion | ||
| Sir Penfro | ||
| Sir Gâr | ||
| Abertawe | ||
| Castell-nedd Port Talbot | ||
| Pen-y-bont ar Ogwr | Consortiwm Canolbarth y De (CCD) | Bydd CCD yn dyrannu Gwiriwr Allanol i gynorthwyo â rhoi cymorth ichi trwy eich rhaglen sefydlu. Bob wythnos mae CGA yn darparu rhestr i’r consortiwm o’r ANG y mae arnynt angen cymorth Gwiriwr Allanol. Ar ôl i Wiriwr Allanol gael ei ddyrannu bydd ei enw i’w weld trwy eich mynediad ar-lein. |
| Bro Morgannwg | ||
| Rhondda Cynon Taff | ||
| Merthyr Tudful | ||
| Caerdydd | ||
| Caerffili | Gwasanaeth Cyflawni Addysg (GCA) | Bydd y GCA yn dyrannu Gwiriwr Allanol i gynorthwyo â rhoi cymorth ichi trwy eich rhaglen sefydlu. Bob wythnos mae CGA yn darparu rhestr i’r consortiwm o’r ANG y mae arnynt angen cymorth Gwiriwr Allanol. Ar ôl i Wiriwr Allanol gael ei ddyrannu bydd ei enw i’w weld trwy eich mynediad ar-lein. |
| Blaenau Gwent | ||
| Torfaen | ||
| Sir Fynwy | ||
| Casnewydd |
Mae manylion Cydgysylltydd Sefydlu yr Awdurdod Lleol i’w gweld yma.