Cyngor y Gweithlu Addysg

Hayden Llewellyn, Prif Weithredwr

Fel Prif Weithredwr, mae Hayden yn gyfrifol am arwain a rhoi cyfeiriad strategol i’r CGA, gan weithredu yn unol â’i gyfrifoldebau statudol fel y’u nodir yn Neddf Addysg (Cymru) 2014.

Mae’n ymrwymedig i weithio gyda chofrestreion a rhanddeiliaid allweddol, gan gynnwys dysgwyr, rhieni / gwarcheidwaid, undebau llafur / cymdeithasau, cyflogwyr a Llywodraeth Cymru. Yn rhinwedd ei swydd fel Swyddog Cyfrifyddu, ef sy’n gyfrifol am sicrhau bod y Cyngor yn cynnig gwerth am arian i gofrestreion ac yn defnyddio’i adnoddau yn effeithlon.

Ymunodd Hayden â’r Cyngor wrth iddo gael ei sefydlu yn 2000, gan weithio fel Dirprwy Brif Weithredwr yn gyntaf, cyn ymgymryd â rôl Prif Weithredwr yn 2014.

Elizabeth Brimble, Cyfarwyddwr Cymwysterau, Cofrestru a Phriodoldeb i Ymarfer

Liz sy’n gyfrifol am:

• gynnal a datblygu Cofrestr Ymarferwyr Addysg Cymru;
• priodoldeb i ymarfer ac ymchwilio i achosion a atgyfeiriwyd i’r Cyngor a bod yn rhan o wrandawiadau’r achosion hynny; a
• dadansoddi data, cofnodi a’r GDPR.

Ymunodd Liz â’r Cyngor yn 2003 gan weithio fel Rheolwr Cymwysterau a Chofrestru yn gyntaf, cyn symud i’w rôl presennol yn 2014. Mae Liz yn gweithredu fel Dirprwy i’r Prif Weithredwr.

Bethan Holliday-Stacey: Cyfarwyddwr Datblygiad Proffesiynol, Achredu a Pholisi

Bethan sy’n gyfrifol am::

• Achrediad rhaglenni proffesiynol a hyrwyddo gyrfaoedd yn y proffesiwn addysg;
• Datblygiad proffesiynol
• Cynllunio a chyfathrebu strategol; a
• Datblygu polisi.

Ymunodd Bethan â CyngACC yn 2000 a gweithiodd fel Rheolwr Tîm Datblygiad Proffesiynol a Chyllido ers 2006 cyn symud i’w swydd bresennol yn 2018. in 2018.

Lisa Winstone, Cyfarwyddwr Cyllid a Gwasanaethau Corfforaethol

Lisa sy’n gyfrifol am:

• gynllunio, monitro ac adrodd ar faterion ariannol;
• pob mater sy’n ymwneud â llywodraethu ariannol, gan gynnwys cynnal archwiliadau;
• adnoddau dynol; a
• chymorth corfforaethol a systemau gwybodaeth.

Ymunodd Lisa â'r Cyngor ym mis Tachwedd 2018.