Cyngor y Gweithlu Addysg

Ffôn: 029 2046 0099 | E-bost: gwybodaeth@cga.cymru | Twitter link@ewc_cga | yt icon mono dark YouTube

meeting
Beth yw CGA a beth ydym ni’n ei wneud?
Beth yw CGA a beth ydym ni’n ei wneud?

Cyngor y Gweithlu Addysg (CGA) yw'r corff rheoleiddio annibynnol ar gyfer y gweithlu addysg yng Nghymru, gan gynnwys athrawon a staff cymorth mewn ysgolion a lleoliadau addysg bellach, gweithwyr ieuenctid, gweithwyr cymorth ieuenctid ac ymarferwyr sy’n gweithio ym maes dysgu yn y gweithle. 

Sefydlwyd Cyngor y Gweithlu Addysg (CGA) gan Ddeddf Addysg (Cymru) 2014. Dan y Ddeddf, cafodd Cyngor Addysgu Cyffredinol Cymru (CyngAC) ei ad-drefnu a'i ailenwi i ddod yn Gyngor y Gweithlu Addysg (CGA). Daeth CGA i fodolaeth ar 1af Ebrill 2015.

Beth yw CGA a beth ydym ni’n ei wneud?

Prif amcanion y Cyngor yw:

  • cyfrannu at wella safonau addysgu ac ansawdd dysgu yng Nghymru;;
  • cynnal a gwella safonau ymddygiad proffesiynol ymysg athrawon a'r personau sy'n cefnogi addysgu a dysgu yng Nghymru; a
  • diogelu lles dysgwyr, rhieni a'r cyhoedd a chynnal ymddiriedaeth a hyder y cyhoedd yn y gweithlu addysg.

Prif swyddogaethau CGA yw:

  • sefydlu a chynnal Cofrestr Ymarferwyr Addysg;
  • cynnal Cod Ymddygiad ac Ymarfer Proffesiynol ar gyfer y gweithlu addysg;
  • ymchwilio i, a gwrando ar, honiadau o ymddygiad proffesiynol annerbyniol, anghymhwysedd proffesiynol difrifol neu droseddau perthnasol a allai fwrw amheuaeth ar briodoldeb ymarferydd i ymarfer;
  • Achredu rhaglenni addysg gychwynnol athrawon;
  • darparu cyngor i Lywodraeth Cymru ac eraill ynghylch materion sy'n gysylltiedig â'r gweithlu addysg ac addysgu a dysgu;
  • monitro Sefydlu a gwrando ar apeliadau Sefydlu (lle y bo'n berthnasol) ar gyfer athrawon;
  • hybu gyrfaoedd yn y gweithlu addysg; ac
  • ymgymryd â gwaith penodol mewn perthynas ag addysgu a dysgu ar gais Llywodraeth Cymru.

Ariennir CGA gan ffioedd cofrestru ymarferwyr, ond mae'n derbyn cyllid grant gan Lywodraeth Cymru ar gyfer gweithgareddau yr ymgymerir â hwy ar ei rhan, gan gynnwys:

  • gweinyddu dyfarnu Statws Athro Cymwys (SAC);
  • Trefniadau cyllido, olrhain a chofnodi ar gyfer Sefydlu, y Radd Meistr mewn Ymarfer Addysgol (MYA) a Datblygiad Proffesiynol Cynnar (DPC);
  • datblygu a chynnal y Pasbort Dysgu Proffesiynol;
  • gwrando ar apeliadau Sefydlu a chyhoeddi tystysgrifau Sefydlu; a
  • gweithredu fel ysgrifenyddiaeth annibynnol i Gorff Adolygu Cyflogau Annibynnol Cymru (CACAC)

Mae gan Gyngor y Gweithlu Addysg bedwar aelod ar ddeg. Penodir saith aelod yn uniongyrchol drwy system penodiadau cyhoeddus Llywodraeth Cymru a phenodir saith aelod yn dilyn enwebiadau gan ystod o randdeiliaid. Penodir aelodau'r Cyngor am gyfnod o bedair blynedd. Y Cyngor sy'n gosod cyfeiriad strategol ar gyfer CGA, ac ef sy'n gyfrifol am ei lywodraethu. Gallwch ddarllen rhagor am aelodau'r Cyngor yma.{/sliders}

Gallwch ddarllen am ein huwch dîm rheoli yma.

Mae CGA yn cyflogi rhyw 50 o staff.