Bydd Cyngor y Gweithlu Addysg, mewn partneriaeth â'r Brifysgol Agored yng Nghymru, yn cynnal ei thrydydd digwyddiad 'Siarad yn Broffesiynol' ddydd Llun, 22 Hydref 2018 yn Theatr Reardon Smith yn Amgueddfa Genedlaethol Cymru, Caerdydd.

Rydym wedi gwahodd y cyflwynydd teledu a'r naturiaethwr Iolo Williams a Sue Williams, Uwch Gynghorydd Addysg Cyfoeth Naturiol Cymru i drafod rôl natur a'r awyr agored mewn addysg fodern Gymreig a'r buddion iechyd a lles cysylltiedig.

iolo thumbMae Iolo yn wyneb cyfarwydd i gynulleidfaoedd Cymru, ar ôl cyflwyno nifer o gyfresi poblogaidd yn y Gymraeg a'r Saesneg ar BBC Cymru ac S4C, gan gynnwys ei gyfres ddiweddaraf, 'Iolo's Snowdonia'.

Sue Williams yw'r Uwch Gynghorydd Addysg gyda Chyfoeth Naturiol Cymru, sy'n cynnal rhaglen Dysgu Awyr Agored Cymru.

Caiff y siaradwyr eu croesawu gan yr Ysgrifennydd Cabinet dros Addysg, Kirsty Williams AC.

Bydd y gynulleidfa hefyd yn cael y cyfle i roi eu cwestiynau i'r siaradwyr yn ogystal â'r Ysgrifennydd Cabinet dros addysg yn ystod sesiwn holi ac ateb yn dilyn eu cyflwyniadau.

Yn cyflwyno'r nosod fydd gohebydd gwleidyddol BBC Cymru, Catrin Haf Jones.

Bydd y drysau'n agor am 18:30 am gofrestru a lluniaeth gyda'r traddodi yn dechrau am 19:00. Mae'r tocynnau am ddim ac maent ar gael o'n tudalen Tocyn ar sail y cyntaf i'r felin.

Am fwy o wybodaeth, e-bostiwch Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld. neu ffoniwch 029 2046 0099.

Cwcis

Mae gwefan CGA yn defnyddio cwcis. Drwy barhau i bori ein gwefan, rydych yn cytuno i’n defnydd o gwcis. Am fwy o fanylion am gwcis a sut i’w rheoli, yna darllenwch ein polisi preifatrwydd.